Menntamál - 01.12.1942, Side 10

72
MENNTAMÁL
vegg í kennslustofum. Stofan verður sviphlýrri við það,
en ef veggirnir eru auðir. Auk þess geta kort komið að
margvíslgum notum, ef hægt er að gæta og benda á þau,
hvenær sem er. Fæstir kennarar mundu sækja og leysa
upp og hengja upp á vegg kort, til þess að finna á því stað,
sem kemur við sögu í kafla, sem er til meðferðar í lestrar-
tíma. En ef kortið hangir á veggnum, getur það orðið til
fræðslu, sem aldrei gleymist, vegna þes, að staðurinn er
fundinn í sambandi við lifandi frásögn, eða af því, að
forvitni um hann er vakin.
Þá fer vel að hafa myndir á veggjum kennslustofunnar.
Til þess má nota kennslumyndir, og skipta þá um þær við
og við. Skemmtilegra er að hafa ljósmyndir úr skólalífinu,
störfum, ferðum og leik, og úrvalsteikningar eftir nem-
endur. Myndir af afbragðsmönnum, og af listaverkum,
eiga vel við í kennslustofum — og svo auðvitað listaverk
eigi sízt, þar sem þeirra er kostur.
Þá getur kennslustofunni oft verið skemmtileg prýði
að náttúrugripum og öðrum minjagripum, er nemendur
safna. Geta þeir hangið á veggjum, eða staðið á hillum
og í skápum, opnum eða með glerhurðum fyrir. Það eykur
og á heimilisbrag og vistleik kennslustofunnar, að bóka-
safn og áhöld, sem geymd eru þar, séu í skápum, sem sést
inn í — að því tilskildu þó, að þetta sé í reglu og líti vel út.
Nokkur vinnustofusvipur eykur fegurð kennslustofunn-
ar í mínum augum: Viðfangsefni og vinnutæki á borðum,
áhöld aðgengileg o. s. frv. Og kennslustofan er skemmti-
legust, þegar unnið er þar af áhuga og kappi.
Enn mætti nefna marga kennslustofuprýði: Smáfána
á stöngum, (t. d. Norðurlandafánana), blóm og kaktusa í
gluggum, fiskabúr o. m. fl. En hér skal staðar numið um
þá sálma. Enda fléttast þetta nokkuð inn í það efni, sem
tekið verður fyrir í næsta kafla greinar þessarar: hag-
kvæman útbúnað kennslustofunnar.
Freistandi er að benda á það, þó að þar sé farið út fyrir