Menntamál - 01.12.1942, Blaðsíða 47

MENNTAMÁL
109
sín við skylduna eina. Þeir mega ekki láta uppeldi ungling-
anna, sem lokið hafa skólavist, afskiptalaust, helcLur laða
þá og leiða að þroskandi og þjóðhollu samstarfi með félags-
legri forustu.
Kennararnir eru margir gamlir ungmennafélagar og
þekkja áhrifamátt félaganna og uppeldisgildi af eigin raun.
Því má ekki gleyma, að starfsemi ungmennafélaganna er
tengt íslandi og íslenzkri þjóð traustum böndum, glæðir
skilning æskunnar á því, hvað hún hefur erft frá fortíð-
inni og hve dýrmæt sú arfleifð er, sem henni ber að vernda
og skila aftur með ávöxtum í hendur hinna ófæddu.
Ungmennafélögin eru því nauðsynlegur liður í uppeldi
æskunnar, mikilsverður þáttur í því vandasama viðfangs-
efni, að búa sólskært sumar undir sérhvern hug og gróðrar-
blett.
Páll Þorsteinsson.
A víOavan«*i
Kennaraþing
var háð í Reykjavík fyrstu viku septembermánaðar, eins og aug-
lýst hafði verið. Þingið var fremur fámennt, en hafði til meðferðar
mörg merk mál, t. d. byggingar skólahúsa, launamálið, barnabók-
menntir o. fl.
Stjórn S. í. B.
var þannig skipuð eftir kennaraþingið: Aðalsteinn Sigmundsson
formaður, Sigurður Thorlacius varaformaður, Ingimar Jóhannesson
ritari, Jónas B. Jónsson vararitati, Pálmi Jósefsson gjaldkeri, Arn-
grímur Kristjánsson varagjaldkeri og Gunnar M. Magnúss. — Þess
skal getið, að Sigurður Thorlacius, sem um mörg ár hefur verið for-
maður S. í. B. baðst undan endurkosningu í formannssæti, þar eð
hann hefur nú á hendi formennsku í Bandalagi starfsmanna ríkis og
bæja, og er þar fulltrúi kennarastéttarinnar.