Menntamál - 01.04.1961, Blaðsíða 35
MENNTAMÁL
25
gjarnlega á móti gestum. Við byrjum á þriðja ári. í átt-
hagafræði gerum við okkur grein fyrir skólastofunni okk-
ar. Við mælum lengd og breidd. Við gerum okkur grein
fyrir öllum búnaði stofunnar og hvernig munum er fyrir
komið; skoðum húsgögnin, fiskabúrið, blómin í gluggun-
um töflurnar á veggjunum o. s. frv. Og svo leikum við
gestakomu. Nokkrir krakkar fara fram á gang og drepa á
dyr. Fyrir dyrum úti er ókunnur maður og ókunn kona.
Og nú lærum við að heilsa gestum. Verkefnum hefur verið
skipt á milli barnanna í bekknum, og þau eiga að segja frá
þeim hlutum, sem í stofunni eru. Og gestirnir ganga um
stofuna og spjalla við krakkana.
Síðan athugum við skólalóðina með sama hætti og höf-
um líkan af henni inni í stofunni. Ég má kannske skjóta
því inn í, svona á milli sviga, að líkön eru afar mikilvæg,
þegar þjálfa skal börnin í mæltu máli. Börnin eiga miklu
auðveldara með að tala um þá hluti, sem þau hafa fyrir
augunum. Þau eiga auðveldara með að gleyma sjálfum
sér og setja sig inn í hlutverk sín. Þau losna við feimni
og gleyma sjálfum sér, er þau hugsa sér, að þau taki
ákveðna stöðu í eða á sjálfu líkaninu.
Og nú röðum við okkur upp hjá líkaninu og hugsum
okkur, að ókunnur maður komi eftir götunni. Við ætlum
að taka á móti honum við skólahliðið. Og hvað segjum
við þá? Enn hefur hlutverkum verið skipt meðal barn-
anna. Margt þarf að sýna og frá mörgu þarf að segja:
skólahúsinu, garðinum, trjánum, hlaupabrautinni, stökk-
gryfjunni o. s. frv.
Þegar nokkuð er liðið á veturinn höfum við lært heil-
mikið um bæinn okkar. Við höfum gert líkön af miðhluta
borgarinnar, og tökum nú á móti gestum við aðaljárn-
brautarstöðina. Og enn er hlutverkum skipt á milli barn-
anna. Þau skýra gestinum frá dómkirkjunni, skólanum,
skólagarðinum, myndastyttunum, helztu götunum o. s. frv.