Menntamál - 01.04.1961, Síða 85

MENNTAMÁL
75
eru áætlaðar breytingar á námsefni og kennslu í flestum
eða öllum greinum. í sögu og landafræði er gert ráð fyrir
aukinni áherzlu á nútímanum og svæðum utan Evrópu. í
stærðfræði og eðlisfræði hefur þróunin á síðari hluta
nítjándu aldar og fyrra helmingi þeirrar tuttugustu orð-
ið jafnvel meiri en allar aldir fram til þess tíma samanlagt.
Skólinn hefur orðið aftur úr þeirri þróun, og er ætlunin
að vinna það bil upp að svo miklu leyti sem unnt er. Bæði
form og innihald námsefnis og kennslu eiga að taka veru-
legum stakkaskiptum. Jafnframt er gert ráð fyrir auknu
frjálsræði kennarans, þannig að nú geti hann valið sér-
svið innan námsgreinarinnar, er sé breytilegt frá ári til
árs og svari til allt að tveggja mánaða vinnu. Svipuðu
máli mun gegna um fleiri greinar.
En í þessari sífelldu togstreitu námsgreinanna um nem-
andann má ekki gleyma hinum almenna grundvelli, yfir-
sýninni yfir hinar ýmsu greinar, samhengi þeirra og skyld-
leika. Mikilvæg hlið menntaskólanáms eru kynni nemand-
ans við þær hugmyndir, er mestu máli hafa skipt fyrir
menningu okkar.'Til stuðnings og eflingar frekari skiln-
ings á þessum hugmyndum, samhengi þeirra og áhrifum
á einstakar greinar vísindanna, gerir nefndin ráð fyrir,
að hverjum nemanda verði þegar í fyrsta bekk fengin í
hendur bók, er veiti sæmilega staðgott yfirlit um sögu
mannsandans og þá einkum menningarsögu Vestur-
Evrópu. Þessa bók á að lesa heima og getur hver kennari
vísað til hennar í sinni grein eða fjallað um einstaka þætti
hennar í kennslustundum að svo miklu leyti sem þurfa
þykir.
Gert er ráð fyrir, að þær breytingar, sem hér hefur lítil-
lega verið drepið á, komi til framkvæmda veturinn 1963—
64, þannig að fyrstu stúdentarnir verði brautskráðir sam-
kvæmt hinni nýju reglugerð vorið 1966. Félagsfræðideild-
irnar eiga þó ekki að taka til starfa fyrr en veturinn 1967-
1968.