Æskan - 01.11.1979, Qupperneq 25

í haust gaf Æskan út Ævintýri og sögur H. C. Andersens, í þýðingu Steingríms
Thorsteinssonar. Þetta er 2. útgáfa, sem Æskan gefur út af þessu heimsfræga
verki. Fyrsta útgáfa kom út 1970 og seldist þá fljótlega upp. Allt verkið, sem er
3 bindi, er 648 blaðsíður að stærð með fjölda mynda. Allt verkið kostar 7808
kr. Þetta meistaraverk ævintýraskáldsins heimsfræga verður óskabók barna
og unglinga.
Mesta ævintýraskáld heimsins
fæddist í fátæklegu litlu húsi í Óðins-
véum hinn 2. apríl árið 1805.
Faðir hans var skósmiður og verk-
stæöið hans var í öðrum endanum á
þeirri einu stofu, sem fjölskyldan
hafði til umráða.
Skósmiðnum þótti skemmtilegt að
lesa, og meðan kona hans lá á sæng
eftir barnsburðinn, sat hann oft á
rúmstokknum og las upphátt úr ýms-
um góðum verkum þeirra tíma.
Nýfæddi snáðinn öskraði af öllum
kröftum, og sagan segir, að faðirinn
hafi þá sagt: „Viltu nú gera svo vel að
sofna eða hlusta stilltur á mig að öðr-
um kosti!"
Litli snáðinn grét annars mjög mik-
ið, og þegar hann var skírður og hlaut
nafnið Hans Christian, þá keyrði svo
úr hófi, að presturinn sagði: „Hann
vælir eins og kvalinn köttur!"
í bókinni Ævintýri lífs míns hefur H.
C. Andersen lýst því, hvernig umhorfs
var í stofunni heima hjá pabba hans
og mömmu. Auk verkstæðisins,
rúmsins og þeirrar hvílu, sem dreng-
urinn svaf í og aðeins var dregin fram
yfir nóttina, var þar dragkista. Ofan á
henni stóðu fallegir bollar, glös og
ýmsir smámunir til skrauts. Frammi
við gluggann var hilla með bókum í,
og á veggjunum voru myndir, þar á
meðal ein landslagsmynd, sem

■vS
drengurinn gat aldrei fengið nægju
sína af að horfa á.
Úr eldhúsinu lá stigi upp á loftið, og
þegar Hans var orðinn nógu stór til að
klifra þar upp, fann hann „matjurta-
garð" mömmu sinnar. Það var tré-
kassi með mold í, sem var látinn
standa á þakrennunni, þar sem þeirra
hús og nágrannans lágu hvort upp að
öðru. I kassanum óx grænkál og
graslaukur, en ímyndunarafl drengs-
ins breytti því í hinn fegursta garð
með rósum og skrautblómum.
Faðir Hans las mikið og í æsku
hafði hann þráð að ganga mennta-
veginn. En foreldrar hans, sem voru
Jórunn Sörensen, formaður Sambands dýraverndunarfélaga íslands, skrifar: „Æskan er
áttræð. Það er hár aldur á íslensku tímariti. En á Æskunni eru engin ellimörk. Æskan er
síung, fylgist vel með tímanum og heldur auknum lesendahópi í æ kröfuharðara þjóðfélagi.
En jafnframt heldur Æskan fast við ýmsar gamlar venjur sínar og siði, þannig að þegar við
sem fullorðin erum flettum Æskunni, þá þekkjum við hana aftur. Þetta er ekki á allra færi, en
þetta gerir Æskan og vonandi verður það áfram þannig."
L
23