Valsblaðið - 01.05.1986, Page 10

SKÝRSLA KÖRFUKNAt
í grein þessari verður reifað það helsta
sem gerst hefur innan körfuknattleiks-
deildar Vals frá haustinu 1981 og fram til
vors 1986, eða íþau fimm ársem liðin eru
síðan afmælisbók Vals „Valur vængjum
þöndum” kom út.
Segja má að þetta tímabil í sögu deild-
arinnar hafi byrjað með þátttöku í
Evrópukeppni bikarhafa. Leikið var gegn
enska liðinu Crystal Palace og fóru báðir
leikirnir fram í London. Eins og flestum er
kunnugt var Crystal Palace á þessum tíma
með betri körfuknattleiksliðum Evrópu,
og því ekki að undra þótt báðir leikirnir
hafi tapast. Með meistraflokki Vals lék
þennan vetur bandaríkjamaðurinn John
Ramsey og var hann einnig þjálfari
flokksins. Að loknu Islandsmóti var Valur í
þriðja sæti, en margir höfðu gert sér vonir
um betri árangur.
Keppnistímabilið 1982-1983 fengu
Valsmenn til liðs við sig Bandaríkja-
manninn Tim Dwayer. Hann hafði áður
starfað hjá félaginu á árunum 1978-1980
en þá náði meistaraflokksliðið mjög
góðum árangri. A þessum vetri tókst að
vinna alla þá titla sem í boði voru, þ.e.
Valsmenn gátu státað af því að eiga
samtímis Islandsmeistara, Bikarmeistara
og Reykjavíkurmeistara í körfuknattleik.
Þetta var í annað skiptið á þremur árum
sem þessi árangur náðist. Kjarni liðsins
þennan vetur var sá sami og verið hafði
1979-1980. Einn þeirra leikmanna var
Ríkharður Hrafnkelsson, sem að loknu
þessu keppnistímabili hætti að leika með
Val og fluttist aftur á æskustöðvarnar í
Stykkishólmi. Annar Hólmari, Kristján
Agústsson, var í framvarðarsveit á þessum
árum og er það reyndar enn þann dag í
dag. Á árunum 1981-1983 átti félagið
góða yngri flokka, sem ávallt kepptu í
fremstu röð. Þeir leikmenn skipa í dag
meistaraflokk félagsins. Nægir þar að
nefna Leif Gústavsson, Einar Ólafsson,
Björn Zoéga, Pál Arnar og Tómas Holton.
Tómas var fyrstur körfuknattleiksmanna
til að hljóta titilinn Körfuknattleiksmaður
10 VALSBLAÐIÐ