Valsblaðið - 01.05.1986, Page 14

„Handboltinn hefur
alltaf verið stór
hluti af lífi mínu“
Valsblaðið spjallar uið Sigríði Sigurðardóttur
fyrrum leikmann með meistaraflokki Vals og landsliðinu
Sigríður Sigurðardóttir íþróttamaður ársins 1964.
Árið 1964 var sögulegt ár fyrir kvenna-
handknattleik á íslandi. Það ár fór íslensks
kvennalandsliðið með sigur af hólmi í
Norðurlandamóti kvennalandsliða sem
haldið var á grasvellinum í Laugardal. Að
öðrum landsliðskonum ólöstuðum var
Sigríður Sigurðardóttir hetja þessa móts
enda kunnu íslenskir íþróttafréttamenn
sannarlega að meta frammistöðu Sigríðar
og sýndu það í verki með því að kjósa
hana íþróttamann ársins þetta sama ár.
Sigríður er eina konan hér á landi sem
unnið hefur til þessara eftirsóttu verð-
launa. En Sigga Sig., eins og hún er jafnan
kölluð var vel að þessum sigri komin enda
hafði hún þegar hér var komið sögu verið
í fremstu röð handknattleikskvenna okkar
bæði sem leikmaður með meistara-
flokki kvenna í Val og jafnframt einn af
máttarstólpum íslenska kvennalandsliðs-
ins.
Sigga byrjaði ung að æfa handknattleik
með Ármanni en entist að eigin sögn að-
eins nokkrar æfingar með Ármanni, en
skipti þá um félag og hóf sinn feril með
Knattspyrnufélaginu Val og hefur allar
götur síðan haldið tryggð við félag sitt við
Hlíðarendann. Á ferli sínum spilaði Sigga
142 meistaraflokksleiki og 12 landsleiki
þar til hún hætti að æfa með meistara-
flokki árið 1970. Handboltinn skipar þó
enn háan sess í lífi hennar enda má segja
að öll fjölskyldan leggi stund á íþróttina.
Eiginmaður Siggu er Guðjón Jónsson
fyrrum leikmaður með Fram og lands-
liðinu í handknattleik og knattspyrnu og
dóttir hennar Guðríður Guðjónsdóttir
hefur um árabil verið einn af máttar-
14 VALSBLAÐIÐ