Almanak Ólafs S. Thorgeirssonar - 01.01.1945, Qupperneq 46

46
ÓLAFUR S. THORGEIRSSON:
mannaeyja og flæktist síðan víða, m. a. til Khafnar, áður
en hann fór vestur um haf 1887. Hann hafnaði á endanum
í Lögbergsnýlendunni í Canada. 38)
Árni Sigurðsson var fæddur 16. apríl 1839 á Kirkju-
bóli, Stöðvarfirði 39) Fluttist hann sama vor með for-
eldrum sínum að Innri-Kleif, Breiðdal og sex árum síðar
(1845) að Fagradal. Þar dó faðir hans Sigurður Eiríksson
20. jan. 1856. Móðir Árna, Elísabet Árnadóttir, bjó áfram
í Fagradal eftir lát manns síns og var .Árni hjá henni,
líklega þar til 1863, að hann fór skrifari til C. B. Olivarius,
sýslumanns á Eskifirði.
Sagt er, að Árni hafi menntað sjálfan sig á uppvaxt-
arárunum í Fagradal, lært að skrifa og reikna og að lesa
dönsku; kom þetta sér vel, er hann var orðinn skrifari
hjá hinum danska sýslumanni.
Hitt er víst að Árni leit til baka til uppvaxtaráranna
í Fagradal eins og til nokkurskonar paradísar æskunnar;
kemur það ljóslega fram í hinni ágætu grein, er hann
skrifaði um “Breiðdal fyrir 60 árum”, og birtist í Lög-
bergi um áramótin 1911—12.
Árni var tvö ár hjá Olivariusi. Árin 1865—68 var hann
bókhaldari við verslun Carls D. Tuliniusar á Eskifirði.
Þá kvæntist hann Kristjönu Soffíu Stefánsdóttur, bónda
á Barði í Eyjafirði, og fluttust þau til Vopnafjarðar. Þar
héldu þau úti gistihúsi í fjögur ár. Eftir það bjuggu þau
þar í sveitinni, fyrst í Fagradal (1872—33), síðan lengst
á Eyvindarstöðum og Hamri.
Börn þeirra hjóna voru: Sveinn, Andrés Rasmussen,
Þórður, Gunnlaugur og Rannveig Stefanía, — og fóru öll
vestur um haf.
Þeir bræðurnir Sveinn og Þórður fóru vestur 1889.
Komu fyrst í Winnipeg, en fóru þaðan til N. Dakota; þar
38) ÓSTh. 1920, 47-48.
39) ÓSTh. 1917, 99-103; 1918, 75; 1938, 87-98 (best);
ThJ. SNDak. 227.