Almanak Ólafs S. Thorgeirssonar - 01.01.1945, Síða 47

ALMANAK
47
kvæntist Sveinn (1895) Sigurbjörgu Sigfússdóttir úr Skag-
afirði. Þau bjuggu í Akra-byggð.
Sumarið 1892 fluttist Árni vestur til N. Dakota á fund
sona sinna ásamt konu og tveim börnum: Gunnlaugi og
Rannveigu.
En 1899 fóru þeir frændur allir norður til Brown í
Canada og námu þar lönd. Þar voru þeir 8 ár, en fluttu
sig enn um set 1907 vestur í Vatnabyggðir í Saskatch-
ewan. Þar dó kona Árna 1912, en hann var eftir það hjá
Þórði, syni sínum, þar til hann lést 7. apríl. 1931. Átti
hann þá 9 dögum fátt í 92 ára aldur.
Afkomendur Árna, börn og barnabörn, hafa verið
mesta myndarfólk. Tveir synir Þórðar, Árni Páll og Tóm-
as Jóhann, eru doktorar í náttúrufræði, Árni er skordýra-
fræðingur í þjónustu landbúnaðardeildar stjórnarinnar í
Canada, en Tómas er ættgengisfræðingur (nytja-plöntur),
og er hann nú kennari í þessum fræðum við háskólann
í Saskatchewan.
Magnús Magnússon var fæddur að Húsey í Hjalta-
staðaþinghá 1873. 40) Hann var sonur Magnúsar bónda
Magnússonar prests Bergssonar á Kirkjubæ og Eydölum,
og Sigríðar Jónsdóttur prests Hávarðssonar að Eydölum.
Þegar hann var á fyrsta ári, tók föðursystir hans, Þor-
björg, hann til fósturs, og hjá henni var hann á Eydölum,
þar til hann fór til föðurbróður síns Eiríks Magnússonar
í Cambridge á Englandi sumarið 1884. Þar ólst hann upp,
gekk í skóla og las um tíma forntungurnar, latínu og
grísku.
Árið 1898 fór Magnús til Reykjavíkur, settist þar að
og kenndi ensku og leikfimi, og þar mun hann hafa
kynnst konu sinni Ásthildi (Ástu) Grímsdóttur kennara
Jónssonar frá ísafirði. Magnús fór vestur um haf 1905,
en Ásthildur árið eftir og var um sumarið í Gloucester,
40) Stefán Einarsson, Saga Eiríks Magnússonar í Canibridge,
282-3, 315.