Almanak Ólafs S. Thorgeirssonar - 01.01.1945, Qupperneq 60

60
ÓLAFUR S. THORGEIRSSON:
Árið 1925 kom út kvæðabók Halldórs, Uppsprettur,
og stóðu frændur hans og vinir að útgáfunni. Er margt
vel kveðinna kvæða og fagurra í bók þessari, og auðsætt,
að höfundurinn er maður þjóðrækinn í besta skilningi
orðsins, háíslenzkur í hugsun og anda, enda hefir hann
augljóslega drukkið djúpt af tærum lindum íslenzkra
fornbókmennta og nærst æfilangt við móðurbrjóst ísl-
lenzkra sveitarmenningar.
Síðan þessi bók Halldórs kom út, hafa rnörg kvæði
eftir hann birtst í blöðum og tímaritum, er bera því vitni,
að hann hefir stöðugt verið að sækja í sig veðrið í skáld-
skapnum. Ágætt dæmi þess er kvæði hans “Kraftaskáld”
(um Egil Skallagrimsson) í nýjasta hefti Eimreiðarinnar,
þá er þetta er ritað (3. hefti 1944), sem er stórbrotið
kvæði, móði og magni þrungið, og bregður upp glöggri'
mynd og verðugri af hinum örlagaþrungnu eyktamörk-
um í lífi Egils, þegar hann orti “Höfuðlausn”.
Útgefendur og ritstjóri Almanaksins telja sér sóma
og mikinn feng að því að birta kvæði Halldórs til frænd-
anna héma megin hafsins og þakka honum í þeirra nafni
ræktarhuginn og drenglundina, sem þar lýsa sér svo fag-
urlega.
Richard Beck

/í