Kirkjuritið - 01.04.1935, Síða 14

Kirkjuritið.
STANLEY JONES
KRISTNIBOÐI.
Mig langar til að segja yður ofurlítið frá ævi og starfi
óvenjulegs gáfu- og afreksmanns. Dr. Stanlei/ Jones er
ekki brautryðjandi í vísindum eða listum, ekki landkönn-
uður eða flugkappi, eklci stjórnmálafrömuður eða þjóðar-
leiðtogi, þótt hánn hefði efalaust, vegna hæfileika sinna,
getað aflað sér frægðar með einhverjum þeim afrekum.
sem mest athygli er veitt af almenningi um öll lönd.
Dr. Stanley Jones kaus sér ungur það hlutskifti, að
þjóna, taka að sér starf, sem af mörgum er vanmetið,
en af öðrum óvirt. Hann tók að sér að verða kristniboði.
af þvi að hann gat ekki annað, lagði líf sitt og hæfi-
leika fram til þess starfs, knúður af ómótstæðilegu afli.
En í hópi kristniboða mun hann af flestum talinn
fremstur. Ekki fyrir þá sök, að hann hafi óskað sér
þeirrar fremdar sjálfur, heldur vegna þess, að Ijósið.
sem liann setti í ljósastikuna, gat ekki dulist. Bækur
lians eru lesnar um allan heim. Þær eru prentaðar hvað
eftir annað í stærri upplögum en frægustu skáldsögur.
og hrifa hugi allra, sem lesa þær með athygli. Hann
hefir stundað kristniboðsstarfið i Indlandi, þar sem
kristniboðsstarf er einna vandasamast, með þeirri þjóð.
sem á auðugast andlegt líf og fjölbreyttasta og fegursta
andlega menningu allra Austurlandaþjóða. Og fjöl-
margir spekingar og trúkennarar Hindúatrúarinnar
hafa sezt við fætur hans og virt hánn sem fræðara sinn
og andlegan leiðtoga.
Stanlev Jones er orðinn kunnur ýmsum hér á landi