Kirkjuritið - 01.04.1935, Blaðsíða 42

Kirkjuritið.
ALT SEM ÞÉR VILJIÐ.
Þingsetningar-prédikun 15. febr. 1935.
Eftir séra Friðrik Hallgrímsson.
Jesús sagði: „Alt sem þér viljið að aðrir menn
gjöri yður, það skuluð þér og þeim gjöra“.
Matt. 7, 12.
I dag kemur Alþing saman. Þýðingarmikið samstarf
kjörinna fulltrúa þjóðarinnar er aS hefjast. Þegar þingi
verSur slitið, skilar það af sér því verki, sem það hefir
af hendi leyst. Og' það, hvernig það verk hefir lánast,
hefir álirif til góðs eða ills á þjóðlífiS alt og velfarnan
allra einstaklinga þjóðfélagsins.
Sú er ein ástæða þess, að störf þingsins hefjast meö
guðræknis-athöfn, að þjóðin vill hiðja almáttugan Guð
um að hjálpa fulltrúum sínum til að vinna þannig það
þýðingarmikla verk, sem þeim hefir verið falið, að það
verði henni að gagni og gæfu. Og til þess er þessi söfn-
uður hér samanlcominn ásamt þeim; og margir eru
þeir um land alt, sem taka, þótt í fjarlægð séu, þátt í
því, sem hér fer fram þessa stund. — Látum hana vera
Guði lielgaða stund; helgum okkur honum til þjón-
ustu af auðmjúkum huga, til þess að vinna þjóðinni
okkar kæru alt það gagn, sem við höfum vit og þrek til.
Stjórnarfarið hér á landi byggist á lýðræðis-hugsjón-
inni. Þjóðin á öll að eiga þátt í löggjöf sinni og stjórn
á þann hátt, að þau verk vinni þeir menn, sem hún
hefir til þess kjörið. — En skilyrðin fyrir því, að þetta
stjórnarfyrirkomulag geti notið sín, eru tvö; annars