Kirkjuritið - 01.01.1950, Page 24

22
KIRKJURITIÐ
gjafir hafa orðið mér mikill styrkur. Og bráðum verður
kirkjan fullgerð. Já, nú rís aftur sóknarkirkja í Möðrudal.
Kirkjuvígsla í MöðruddL.
Kirkjusmíðinni miðaði áfram eftir þetta með líkum hætti
og Jón bóndi hugsaði sér. Var kirkjan fullbúin til vígslu
4. sept. síðastl. Biskupinn kom með fríðu föruneyti og
mikill mannfjöldi úr öllum áttum, um eða yfir 200 manns.
Biskupinn vígði kirkjuna og flutti mjög fagra ræðu, en
fjórir prestar voru vígsluvottar og aðstoðuðu við athöfn-
ina. Söngflokkur úr Mývatnssveit söng undir stjóm Sig-
fúsar Hallgrímssonar í Vogum. Var það mjög rómað,
hversu allt hefði farið hátíðlega fram og mikil hrifning
snortið mannfjöldann. Sóknarpresturinn séra Sigurjón
Jónsson frá Kirkjubæ messaði, og birtir Kirkjuritið hér
á eftir prédikun hans sökum áskorana. Að lokum sungu
allir versið: Son Guðs ertu með sanni.
Flestir komust inn í kirkjuna; og vakti það undrun,
hve marga hún fékk rúmað. Þótti það þrekvirki af ein-
um manni að koma upp svo traustu og snotru Guðs húsi,
og dáðust menn að dugnaði hans og fórnfýsi.
Jón bóndi laðaði inn gesti af sömu alúð og fornmenn
þeir, er gjörðu skála sína um þjóðbraut þvera og höfðu
jafnan vistir á borðum fyrir hvern þann, er þiggja vildi.
Voru hús í Möðrudal skipuð fólki þennan dag frá morgni
til kvölds og öllum veittur hinn bezti beini. Fannst mönn-
um sem fyrr mikið til um gestrisni Jóns og samfögnuðu
honum yfir unnum sigri.
Myndin hér í ritinu gefur góða hugmynd um Möðru-
dalskirkju. Hún gnæfir yfir önnur staðarhús, og tum
hennar lyftir merki krossins mót himni. Hún er höfuð-
prýði heima á staðnum og sést langt að.
Hún mun á komandi árum og öldum flytja sama boð-
skapinn sem öræfakirkjan mikla allt um kring, fegursta
kirkja Islands: Um Drottin dýrðarinnar og kærleikans,
hinn algóða föður frelsarans Jesú Krists. Á. ö.