Kirkjuritið - 01.01.1950, Page 45

SÉRA HALLDÓR E. JOHNSON
43
Eftir 40 ára dvöl vestra kom séra Halldór heim til Is-
lands á siðastliðnu sumri. Hann fagnaði því að vera kom-
lnn heim. Hann unni fslandi og kvaðst kunna því bezt að
geta dvalið hér aila daga sina. Hann fékk þá ósk uppfyllta.
Síðasta verk hans í þessum heimi mun hafa verið að
flytja kveðjur frá íslendingum í Vesturheimi til Islands
°g fslendinga hér heima. Hann óskaði að geta átt þátt í
Því að tengja bræðraböndin beggja megin hafsins fastar
°g langaði til að vinna að nánari kynningu íslendinga
austan hafs og vestan.
Séra Halldór var góðum hæfileikum gæddur. Hann var
Vel menntaður guðfræðingur. Skáldmæltur var hann og
ritaði allmikið af blaða og tímaritsgreinum, einkum um
guðfræðileg efni og þjóðfélagsmál. Ritstjóri að tímaritinu
>>Brautin“ var hann lengi.
Séra Halldór var enn á sæmilega góðum aldri. En dauð-
mn kallar mennina á öllum aldri. Til hans kom þetta kall
óvænt og fljótt. Kirkja íslands og þjóðin öll harmar þann
sorglega atburð, er hann og samferðamenn hans á m.s.
»Helga“ fórust svo sviplega.
I Ijóði, sem mun vera hið síðasta, sem séra Halldór
°rti, er því líkast, sem í huga hans blundi sú þrá að mega
hvíla við brjóst Eyjanna.
Allir dagar eiga kvöld, og ávallt endar reynslufull leið
vegfarandans á jörðu.
Séra Halldór er kominn heim. Guð blessi hann og vini
hans, austan hafs og vestan. .
S. S.