Kirkjuritið - 01.07.1954, Qupperneq 46

332
KIRKJURITIÐ
Þá er einnig full ástæða til að veita því athygli, að nú á
laugardaginn, er kemur, mun ein af skólastýrum landsins setja
fyrsta sinni kirkjulegan sumarskóla fyrir ungar stúlkur. Og
ég veit, að fyrir henni vakir ekkert annað en það að vinna
kristindóminum allt, er hún má.
En ég þarf ekki að telja lengur. Lítið sjálfir í kringum yður
og gætið að, hvort þér komið ekki auga á albúna samstarfs-
menn í sérhverri stétt þjóðfélagsins. Enn í dag á það við, er
Frelsarinn mælti: Hefjið upp augu yðar og lítið á akrana.
Þeir eru þegar hvítir til uppskeru.
Hið þriðja, sem ég vil nefna, er uppeldi barna og unglinga
til kristinnar trúar. Vanrækjum vér það, kemur annað fyrir
ekki. Kristindómurinn verður að nema land með hverri nýrri
kynslóð og fara um eldi, en gengur ekki að erfð eins og dauðir
munir.
Vér hljótum að játa það með kinnroða, að þekking uppvax-
andi kynslóðar í kristnum fræðum hefir stórum hrakað miðað
við þá eldri. Þrátt fyrir einlæga viðleitni margra, sunnudaga-
skóla og barnaguðsþjónustur, er svo komið, að hópur barna
og æskufólks kann til dæmis hvorki boðorðin né blessunarorðin,
trúarjátninguna né „Faðir vor“ og harla fátt annarra bæna
eða sálmversa. Að sönnu játa fermingarbörn því, að þau vilji
leitast við af fremsta megni að hafa frelsara vorn að leiðtoga
lífs síns. En þau verða einnig að vita, hvað sá leiðtogi hefir
kennt og boðið.
Þau öfl eru til í þjóðlífinu, sem vinna að því leynt og ljóst
að brjóta niður trú og siðgæði ungmennanna. Og hinir eldri,
sem skyldastir eru til að vaka, sofa margir á verðinum.
Ég sá nýlega ljósmynd af barni, sem snart mig svo, að ég
get ekki gleymt henni. Barnið situr úti með bók í hendi og er
auðsjáanlega hugfangið af henni. En fyrir neðan myndina eru
letruð þessi orð: Hvaða bækur les barnið þitt?
Já, hvaða lestrarefni er fengið í hendur ungu kynslóðinni?
Hvort ræður meiru um það umhyggja fyrir henni eða pen-
ingafíkn?
Ég gekk um götur í kaupstað einum í sumar, sem leið, og
horfði í glugga bókaverzlananna. Það gilti einu, hvert ég fór.
Ég las titlana á bókunum. Þær voru um morð og alls konar