Kirkjuritið - 01.07.1954, Page 64
350
KIRKJURITIÐ
stjórninni að verja nokkru fé. Og mun ríkisstjórnin hafa fullan
hug á framkvæmdum í því máli. Hefir kirkjumálaráðherra
skipað þriggja manna nefnd til þess að gjöra tillögur um endur-
reisn Skálholts og framtíðarskipulag staðarins og hafa í því
efni samráð við biskup. í nefndinni eru nú Hilmar Stefáns-
son bankastjóri, formaður, Magnús Már Lárusson prófessor,
ritari, og séra Sveinbjörn Högnason prófastur. Er nefndin
þegar tekin til starfa og miðar þau við það, að reist verði að
fullu kirkja í Skálholti sumarið 1956, prestsseturshús, svo og
öll nauðsynleg hús til búrekstrar. Ýms mál varðandi Skálholt
bíða þó enn úrlausnar, og hefir því séra Eiríkur Stefánsson
verið settur fyrst um sinn til þess að þjóna Skálhoitspresta-
kalli, svo og gegna prófastsstörfum í Árnessprófastsdæmi.
Kirkjuráðsfund hélt ég 15., 18. og 19. febr. með kirkjuráðs-
mönnum. Tveir þeirra voru þá nýkjörnir af héraðsfundum,
þeir Gísli Sveinsson f. sendiherra og Gizur Bergsteinsson hæsta-
réttardómari. En einn, séra Þorgrímur Sigurðsson, hafði þá
verið kosinn ásamt mér af andlegrar stéttar mönnum fyrir
einu ári. Ráðið var þannig ekki fullskipað, þar eð kjósa þurfti
í minn stað.
Kirkjuráðið tók mörg mál til meðferðar, og skulu hér að-
eins nefnd þessi:
Samið var um það við ísafoldarprentsmiðju h.f., að hún
gæfi út sálmabókina, vandaða, í snotru og sterku bandi, og
mætti verð hennar ekki fara fram úr 20 kr., er í hlut ættu
kirkjur, safnaðarfélög, skólar eða efnalitlar fjölskyldur. Er
þannig að nokkru leyti bætt úr því ofurverði, sem á bókinni
hefir verið. Vona ég, að sama megi segja um fráganginn.
Þeim tilmælum var beint til kirkjumálaráðherra, að hann
skipaði 3 manna nefnd til þess að semja frumvarp til heildar-
laga um málefni kirkjunnar. Mun ráðherra verða við þeim
tilmælum.
Kosning eins manns í kirkjuráð fór fram á tímanum fra
15. marz til aprílloka. Kosningu hlaut séra Jón Þorvarðsson.
Kjörtímabil þessa kirkjuráðs verður til 1. ágúst 1958.
Kirkjuleg blöð og tímarit hafa komið út hin sömu og áður.
Kirkjublaðið hætti að koma út skömmu eftir lát biskups. En