Kirkjuritið - 01.12.1954, Page 18

440
KIRKJURITIÐ
lega fyrir mér fólksfækkun sveitanna og jafnvel landauðn. En
nú trúi ég því fastlega, að þetta tápmikla og trygglynda fólk
eigi þann sigur í vændum, að fyrir starf þess og atorku minnki
landið ekki, heldur verði sveitir þess aftur fjölmennari og þátt-
ur þeirra í sögu íslendinga ekki minni en áður.
Ég sendi öllum, prestum og safnaðarfólki, hjartanlega kveðju
mína og þakkir og bið kirkju og kristni þessara prófastsdæma
blessunar Guðs um aldur.
30. september 1954.
Ásmundur Guðmundsson.
Kirkjuritið vantaði því miður myndir af þeim prestunum, séra
Þorbergi Kristjánssyni og séra Kára Valssyni, svo að þær gátu ekki
fylgt grein þessari eins og ætlazt var til.
*
Kirkjumót í Prestsbakkakirkju.
Kirkjumót Vestur-Skaftafellssýslu var haldið að Prestsbakka-
kirkju sunnudaginn 17. ágúst og hófst kl. 2 síðdegis með guðs-
þjónustu. Ólafur Ólafsson kristniboði prédikaði, en séra Jónas
Gíslason þjónaði fyrir altari. Að guðsþjónustunni lokinni var
gert stutt hlé, en síðan hófst samkoma, sem héraðsprófastur
setti og stjórnaði. Formaður kirkjukórasambands Vestur-
Skaftafellssýslu, Óskar Jónsson, bókari, flutti ávarp, en aðal-
erindi mótsins flutti Ólafur Ólafsson og talaði um kristniboð.
Séra Valgeir Helgason í Ásum flutti hugvekju um bænina, en
að lokum sleit prófastur mótinu með nokkrum hvatningarorð-
um. — Milli ræðuhalda sungu allir kirkjukórarnir saman, en
organistarnir skiptust á um að leika undir. Meðal annars sungu
kórarnir frumsaminn sálm eftir séra Valgeir Helgason.
Kirkjumót þetta var haldið að tilhlutan kirkjukórasambands-
ins og prestanna í prófastsdæminu. Svipuð mót hafa þrjú verið
haldin áður.
Nú eru starfandi sjö kirkjukórar í V.-Skaftafellssýslu og tala
kórfélaganna alls um 130, en af þeim munu 100 hafa sótt kirkju-
mótið, en að mótinu loknu sat allt söngfólkið hóf í samkomuhús-
inu að Kirkjubæjarklaustri í boði kirkjukórs Prestsbakkasóknar.
— Var mótið vel sótt og þótti takast með ágætum, en alls munu
kirkjugestir hafa verið hátt á þriðja hundrað. Var Prestsbakka-
kirkja fullskipuð, en hún er ein af stærstu sveitakirkjunum á
landinu og nú senn aldargömul, byggð 1859.