Kirkjuritið - 01.12.1954, Síða 55

PRÝÐUM GUÐSHÚSIN
477
bjó í Ögri. Endurbætti hann jörðina mjög mikið og lét reisa
þar þrílyft íbúðarhús úr timbri, sem verið hefir hin mesta
staðarprýði fram á þennan dag. Þá lét hann ekki hlut kirkj-
unnar eftir liggja, heldur stækkaði og bætti á alla lund timbur-
kirkju þá, sem þar hafði verið reist árið 1859. Að þeirri kirkju-
byggingu stóð Hafliði Halldórsson, þáverandi óðalsbóndi í Ögri,
en hann lézt á bezta aldri árið 1873. Seinni kona hans hét
Þuríður Ólafsdóttir, skörungur mikill, sem giftist Jakob Rósin-
karssyni 5 árum síðar. Lifði Ögur mikla blómatíma um daga
þeirra, en Jakob varð skammlífur, eins og fyrirrennari hans.
Andaðist hann 21. marz 1894, tæplega fertugur að aldri.
Ögur hefir jafnan verið höfðingjasetur, enda vel í sveit sett
í miðju ísafjarðardjúpi, og þar hefir kirkja verið frá fyrstu
tímum kristninnar í þessu landi. Ögur hefir aldrei komizt í eigu
kirkjunnar, heldur hefir jafnan verið þar bændakirkja, og sömu
sögu er að segja um hina kirkjuna í Ögurþingum, Eyrarkirkju
í Seyðisfirði. Prestar þeir, sem fyrr á tíð sátu í Ögri, voru aldrei
bændur þar, heldur einungis heimilisprestar. Aðsetur Ögurþings-
presta hefir því löngum verið á reiki. Séra Sigurður Stefánsson,
sem varð prestur í Ögurþingum árið 1881, sat lengst af í kosta-
eynni Vigur, sem var eignarjörð hans. (I Vigur er engin kirkja
og heldur ekki á prestsetrinu í Hvítanesi, eins og margir virðast
ætla, en báðir þessir bæir eiga sókn að Ögri.) Eftirmaður séra
Sigurðar, séra Óli Ketilsson, sat fyrst í Súðavík, þá á Dverga-
steinseyri við Álftaf jörð, en fluttist árið 1933 að Hvítanesi, sem
þá var keypt og gert að prestssetri í Ögurþingum. Þar hefir þó
enginn prestur setið síðan 1947, er séra Óli lét af prestsskap.
Ögurkirkja hefir eignazt marga góða gripi, og eru sumir
þeir beztu nú á Þjóðminjasafninu, svo sem hin merka altaris-
tafla, sem talin er vera frá síðari hluta 15. aldar, hollenzk að
uppruna og gefin Ögurkirkju annað hvort af Birni Guðnasyni,
bónda þar, eða Magnúsi prúða Jónssyni, bónda í Ögri og sýslu-
manni vestra.
Núverandi óðalsbóndi í Ögri og um leið kirkjueigandi er Haf-
liði Ólafsson, sem kvæntur er Líneik Árnadóttur, sonardóttur
Jakobs Rósinkarssonar. Stendur nú fyrir dyrum aðkallandi við-
gerð á kirkjunni, og væri æskilegt, að henni væri að fullu lokið
fyrir aldarafmæli kirkjunnar eftir 5 ár. Ég er viss um, að margir
Ögursveitungar — einnig þeir, sem fluttir eru úr héraðinu, —