Kirkjuritið - 01.01.1962, Síða 31

KIRKJURITIÐ
25
þess að umheimurinn gæti vitað, hverju fram færi. Að sjálf-
sögðu er þó allt slíkt takmarkað, því að við þessi réttarhöld
ber auðvitað margt á góma, sem varðar leyndustu einkamál
flóttamannanna, og gæti komið þeim illa, ef frá yrði skýrt opin-
berlega.
Flóttamannastraumurinn frá Austur-Þýzkalandi til Vestur-
Þýzkalands hófst árið 1946, þegar milljónir Þjóðverja voru
reknar hrottu úr liéröðum, sem lögð liöfðu verið undir vald
Rússa og Pólverja. Menn urðu að yfirgefa eignir sínar og óðöl,
og liverfa vestur á bóginn eða hvert sem komist varð, til þess
að finna þar möguleika til atvinnu og lífsbjargar. Allt var í
kalda koli eftir styrjöldina, og ekki í mörg hús að venda fyrst
í stað. Síðan má segja að straumurinn hafi aldrei stöðvast,
þó að Iiann hafi verið miklu meiri í einn tíma en annan. 1
litlum hæklingi, sem gefinn var út í júlílok 1959, eru gefnar
þær upplýsingar af hálfu ráðuneytis þess, er fjallar um flótta-
mannavandamálin, að tala flóttamanna hafi þá verið orðin 12,6
milljónir, þar af 3,2 milljónir frá hernámssvæði Rússa en 9,4
milljónir frá Austur-Þýzkalandi, og er það meira en allir íbúar
Noregs og Svíþjóðar samanlagt. — Lætur nærri að fjórði liver
íbúi Vestur-Þýzkalands sé þá orðinn flóttamaður austan að.
Hámarki náði flóttamannastraumurinn árið 1953, þegar 58605
manns komu vestur yfir á einum mánuði, febrúarmánuði. —
1 júnímánuði sama ár nam heildartalan meir en 40000. —
Síðan hefur verið um það bil frá 11 þús. til 32 þús. á liverj-
um mánuði til ársloka 1957. — Ég hef ekki mánaðarskýrslur
í höndum yfir síðustu árin, en á fyrsta ársfjórðungi 1960 mun
talan liafa verið rúm 33 þúsund, eða rúm 10 þúsund á mánuði,
en í aprílmánuði 1961 jókst flóttamannastraumurinn svo, að
hann hafði vart meiri verið á styttri tíma síðan 1953. — Ná-
kvæmar tölur hef ég ekki um síðastliðið ár.
Yfirpresturinn við sálgæzlustarf meðal flóttamanna í Berlín
ritaði bréf í aprílmánuði 1960, þar sem hann lýsir ástandinu
um páskana á þessa leið: „Til Marienfeld þyrptust hundruð
og aftur hundruð manna, sem um hátíðarnar leituðu hælis í
Berlín. Á föstudaginn langa komu 1336, á laugardag fyrir
páska 1202. á páskadag 1006, og á annan í páskum 688, — alls
4232. Á páskadaginn var ég vottur þess, hvernig hundruð og
aftur Iiundruð manna stóðu í biðröðum, til þess að láta skrá-