Kirkjuritið - 01.04.1977, Blaðsíða 42
þá útvaliS Russell og gert hann að
,,varðmanni“ sínum og sinna manna.
Árið 1881 stofnaði Russell „The
Watch Tower Bible and Tract Society",
Biblíu- og smáritafélag Varðturnsins.
Það félag gaf út feikn af ritum, er
Russell samdi og lét þjóna sína selja.
Auðgaðist hann mjög af þessari starf-
semi, en bæði hann og eftirmenn hans
hafa verið furðu slyngir fjármálamenn.
Russell kenndi, að „endurreisn allra
hluta“, sem talað er um í Biblíunni,
hefði hafizt 1874, en fjórum árum síðar
hefði Jehóva tekið konungsvaldið yfir
jörðinni í sínar hendur. Hefði hann þá
jafnframt vakið upp frá dauðum fram-
liðna, helga menn, er dveldust þaðan
af hér á jörð ósýnilegir (minnir þetta
óneitanlega á kenningar guðspekinga
um hina s. n. „meistara"). Þeir menn,
er önduðust eftir 1878 og fylgdu Russ-
ell, áttu að umbreytast þegar í stað
til ósýnilegs sælulífs hér á jörð.
Árið 1914
En hvenær átti sjálft guðsríkið að
renna upp?
Árið 1914, sagði Russell. Þá átti ríki
friðarins, réttlætisins og allrar sælu að
koma. Þetta hafði hann reiknað út
eftir Ritningunni. Þetta ár gerðist hins
vegar það, að heimsstyrjöldin fyrri
brauzt út. Þá voru spádómarnir leið-
réttir og taldir eiga við árið 1918. Það
brást líka. Rutherford, sem þá var
tekinn við forustu „Vottanna", sagði,
að árið 1925 væri rétta ártalið. Þá
myndu helgir ættfeður, Abraham, ísak
og Jakob, rísa upp frá dauðum og ríki
friðarins og sælunnar koma. Þegar
það ár var liðið, skrifaði Rutherford:
„Allir hlutir uppfyllast á vorum dögum
og vitna um það, að herrann Jesús
er nálægur og ríki hans er komið.
Brátt mun upprisa dauðra hefjast. En
með orðinu ,,brátt“ eigum vér ekki
við næsta ár, en vér trúum og treyst-
um því, að það muni verða áður en
öld er liðin.“
Um Russell er það frekar að segja,
að hann lenti í málaferlum vegna okur-
sölu á hveiti, sem hann taldi rnönnum
trú um að væri þrungið af sérstökum,
guðlegum krafti. Reyndist hann sann-
ur að sök — og hveitið rétt venjulegt
mjöl. Einnig skildi hann við konu sína
eftir 30 ára sambúð. Var það reyndar
að hennar ósk. Hún hafði fengið húð-
sjúkdóm, sem Russell sagði að væri
refsing Jehóva fyrir það, að hún hefði
ekki verið manni sínum nægilega auð-
sveip. Hún bar það hins vegar á hann,
að hann hefði verið í ósæmilegurn
þingum við kvenlega dýrkendur sína.
Rutherford
Þrátt fyrir þessi áföll lifði Varðturns-
félagið af. Russell andaðist árið 1916.
Þá varð Josep Franklin Rutherford
forseti félagsins og einvaldur stjórn-
andi (f. 1869). Hann var enginn eftir-
bátur Russells í biblíuskýringu og
jafnvel ennþá harðvítugri og lagnari
áróðursmaður. Hann þokaði ritum fyr-
irrennarans til hliðar og hafnaði sum-
um kenningum hans, eins og t. d-
þeirri, að tímatal Biblíunnar yrði stutt
með því að túlka mælieiningar Keops-
pýramídans í Egyptalandi. En í megin-
efnum fylgir hann Russell, þótt nafni
40