Kirkjuritið - 01.04.1977, Page 44

það er suðaustur af Karmelfjalli í
Gyðingalandi. Þar unnu ísraelsmenn
einu sinni mikinn sigur (Dómarabók,
4. og 5. kap.), er varð frægur í sögu
þeirra. í Opinberun Jóhannesar (16,
16) er þessi staður nefndur, en þar er
þetta nafn ekkert annað en ein af
mörgum táknrænum vísbendingum um
þann gleðiboðskap, sem bókin flytur
öll, að þrátt fyrir allt sé kærleikans
mikli Guð sigurvegarinn í öllum svipt-
ingum sögunnar og alger sigur
hans yfir öllu verði opinber um síðir.
En þann dag eða stund veit enginn,
sagði Jesús, þegar hann var spurður
um hinn efsta dag, hvorki englarnir
né sjálfur hann, aðeins faðirinn einn
Vottar Jehóva telja hins vegar, að
„orrustan við Harmageddon“ sé blóð-
ug úrslitastyrjöld, sem háð verði milli
Jehóva og óvina hans innan skamms.
Kristur kallast ,,hinn konunglegi böð-
u11 Jehóva". Hann tortímir öllum, sem
ekki fylla flokk ,,vottanna“, stjórn-
málamönnum fyrst og prestum, því að
kirkjur og ríkisvald eru sérstök verk-
færi djöfulsins. En aðrir ,,vantrúaðir“
verða og deyddir í þessari blóðugu
viðureign. Síðan rennur „þúsundára-
ríkið“ upp með jarðneskri og líkam-
legri fullsæld handa þeim, sem fest
hafa trúnað á kenningar ,,vottanna“
og verða því hólpnir.
Ekki kristindómur
Sú mynd af Kristi, sem birtist í ritum
þessa flokks, er næsta annarleg í
augum kristinna manna. Hinn himneski
böðull, sem á að koma hefndum
Jehóva fram við óvini hans, á lítið
skylt við þann Krist, sem kirkjan boðar.
Og aðrar kenningar þessa flokks um
frelsarann eru í fullri mótsögn við
Nýja testamentið og játningu kristinn-
ar kirkju.
Nægir að benda á þessi atriði:
1) Vottar Jehóva segja, að Jesús
Kristur sé ekki eilífur sonur Guðs,
heldur hafi Guð skapað hann fyrst-
an af öllu. Hér afneita þeir þeirri
kenningu, sem er hornsteinn krist-
innar trúar allt frá dögum postul-
anna og til þessa dags.
2) Einnig halda þeir því fram, að
Kristur og erkiengi11inn Mikael séu
sama persóna.
3) Þá segja þeir og, að Jesús hafi
ekki orðið Messías fyrri en við
skírnina og að hann hafi ekki risið
líkamlega upp frá dauðum.
4) Gagnstætt vitnisburði Nýja testa-
mentisins segja þeir, að Jesús
Kristur hafi ekki verið hafinn til
síns himneska hásætis, þegar hann
hafði íullnað hjálpræðisverkið hér
á jörð, heldur hafi það verið látið
dragast — til ársins 1914.
5) Þeir afneita kenningunni um heil-
aga þrenningu.
6) Þeir halda ekki jól.
7) Þeir segja, að mannssálin sé ekki
ódauðleg.
Vísað á bug
Þetta, sem hér hefur verið bent á, er
nóg til þess að sýna, að hver sá,
er vill einhvers virða sína kristnu trú,
getur með góðri samvizku og um-
svifalítið vísað boðberum þessarar
hreyfingar á bug. Þeir eru að jafnaði
mjög ágengir. Meðal þeirra eru sjálf-
42