Kirkjuritið - 01.04.1977, Síða 34

svo gera Gyðingar, sem ekki trúa á
Jesúm. Þetta er meðal þess, sem mik-
ið er deilt um þar eystra. Það var sú
tíð, segir Aili enn fremur, og hún
býst við, að hún sé ekki enn liðin með-
al rétttrúaðra Gyðinga, að fjandmenn
kristinnar trúar lásu úr bókstöfum
nafnsins Jeshu þessa setningu: „Nafn
hans og minning skal hverfa.“ Það
nafn var því eins konar formæling
Jesú og kristinna manna hjá trúuðum
Gyðingum. Um hann skal hvorki hugsa
né ræða, heldur þegja.
— Nafn hans cg minning ska!
hverfa, segir hún á hebresku. Við
kristnir menn notuðum alltaf þá mynd-
ina, sem við töldum, að hefði verið hið
rétta nafn hans, Jeshua, sem merkir,
að Jesús sé frelsari. Það nafn talar
skýru máli um hver hann sé. Lærðir
Gyðingar vilja nú halda því fram, að
nafnið hafi verið stytt þegar á dögum
Jesú. Ekki er ég sannfærð um, að það
sé rétt, og ég tel a. m. k. réttara að
skrifa nafn hans, eins og það er.
Hún segir, að kristnir Gyðingar og
allir eldri kristniboðar noti nafnið
Jeshua, en sumir yngri kristniboðar
séu farnir að nota hina myndina.
—Þegar Klausner dó, var ég heima
í leyfi. En Rauha Moisio, sem þá starf-
aði með mér í Israel og hafði kynnzt
fjölskyldu hans fyrir meðalgöngu mína,
sagði mér eftir bróður hans, að síð-
ast, þegar hann hefði komið til Klausn-
ers fyrir dauða hans, hefði hann sagt.
að hann byggi yfir leyndarmáli, seh1
hann vildi segja frá áður en hann
færi. En bróðirinn vildi ekki hiusta á
það. Hann dó því án þess að hafa
sagt frá, hvað þetta var.
En í ísrael voru allmargir Gyðingat
komnir frá Rússlandi, og þeir höfðu
sagt mér, sumir, að þeirra á meðal
væri það sögn, að hver rússneskur
Gyðingur sæi Jesúm, áður en hann
dæi. Þetta býr í undirvitund þeirra.
Og Klausner var frá Rússlandi-
— Þögn. —
Ég hitti þó nokkra Gyðinga fná
Rússlandi, sem höfðu frá því að segja.
að þeir hefðu séð Jesúm, þegar þek
voru alvarlega veikir ellilegar áttu að
að ganga undir uppskurð. En þeim
finnst, að öll þjáning þeirra hafi verið
til einskis og saga þeirra öll verði
markleysa, taki þeir við honum. Sumir
þeirra segja raunar: „Skyldi hann
koma?“ Þeir geta einhvern veginn
ekki trúað því, að hann komi aftur.
G. 01. Ól.