Eimreiðin - 01.06.1922, Blaðsíða 60

188
RITSJÁ
EIMREIÐIN
(ilraun, hvort hér væri risinn upp meðal vor heimspehingur, sem heimur-
inn máske hlustaði á, og gæti varpað ljósi yfir sitthvað, sem ekki væri
lítilsvert að fá þekkingu á. Það kostar ekki nema litla peninga, en það
má ekki sníða um of við nögl sér.
Og þó er það áreiðanlega annar styrkur af almanna eign, sem dr.
Helgi þarf enn meira á að halda, en það er, að menn lesi það sem hann
skrifar með skilningi, og styðja með því að því, að hann megi ánægður
starfa og rólegur hvílast. M. J.
Davíð Stefánsson frá Fagraskógi: KVÆÐI Rvík MCMXXII.
Þó að Davíð Stefánsson frá Fagraskógi sé enn þá mjög ungur að
aldri, er hann þó ekki neinn nýgræðingur Iengur í skáldskapnum. Það er
nú talsvert liðið, síðan hann fór að vekja eftirtekt sem ljóðskáld, og sú
eftirtekt varð að viðurkenningu, þegar kvæðabók hans, „Svartar fjaðrir",
kom út 1919. Að vísu mátti finna ýmislegt í þeim kvæðum hálfþroskað,
en það er ekki aðalatriðið um kvæði ungra skálda, heldur hitt, að þar
séu tilþrif, sem sýna, að skáldið er til þótt fastatökin séu ekki fullkomin
á efni og formi.
Nú kemur ný Ijóðabók eftir Davíð, og hún ekki svo lítil, og það sem
best er, hún sýnir óefanlega framför. Það er minna af fálmi og hálf*
hugsuðu dóti, og meiri festa í því öllu. Þó er ekki þessi bók heldur
„fullorðins" verk. Enn þá sleppa með setningar, sem illa standast og eru
óþarfar. Hver er t. d. þessi „Marfu systir", sem talað er um í kvæðinu
„Brotnar súlur“ (bls. 93). Og dálítið víxlast líkingin í kvæðinu, „En þú
varst æfintýr", í þessum hendingum, sem koma tvisvar í kvæðinu:
Eg var hin þyrsta þyrnirós
en þú hið unga vín. (bls 41.)
Ætli þyrst rós væri ekki eins ánægð með vatn? Ekki er hún heldur
lofsverð tilgerðin í kvæðinu „Svefnkirkja" (bls. 16—18) þótt vel sé ort-
Og elfan sem „spinnur gull og silki“ (bls. 6) minnir nokkuð mikið á
blóm á grund
glöð í lund
gull og silki spunnu.
hjá séra Matthíasi.
En þó að svona megi telja smávegis, þá er miklu fremur á hitt að
minnasf sem gerir bók þessa ágætan feng, sakir fegurðar og skáldskapar-