Eimreiðin - 01.04.1930, Qupperneq 86

182
BAYARD TAYLOR
EIMREIÐIN
anda sínum næringar annarsstaðar. En hann skorti fjárafla til
utanfarar. I þeirri von, að honum kynni að græðast eitthvað
á útgáfunni, lét hann prenta ljóðakver sitt. Vonir hans brugð-
ust heldur eigi með öllu. Og með þeirri litlu fjárupphæð, sem
bókin gaf í arð, ásamt smáupphæð, sem tímarita-útgefendur í
Philadelphíu borguðu honum fyrirfram fyrir væntanleg ritstörf,
lagði Taylor af stað ásamt tveim félögum í fyrstu Evrópu- og
utanför sína. Um tveggja ára skeið ferðaðist Taylor nú fót-
gangandi um Norðurálfu. Kynti hann sér kappsamlega sögu
þjóðanna og menningu, í sveitum og borgum, á listasöfnum
sem á strætum úti. Lét hann enga örðugleika hamla sér
braut, hvorki fjárskort né hungur, en varð þó að þola hvort-
tveggja í ríkum mæli. Þýzka skáldið Berthold Auerbach komst
svo að orði um Taylor, að hann hefði fæddur verið í hinum
nýja heimi (Ameríku), en hefði þroskast í hinum gamla (Ev-
rópu). Er það rétt athugað. í raun og veru var þetta ferða-
lag Taylors hvorki meira né minna en háskólaganga hans,
það bætti upp mentunarskortinn heima fyrir, opnaði honum
nýja heima. Og hann teigaði djúpt af þessum lindum fræðslu
og fegurðar. Hann sneri heim aftur með tómar hendur fjár,
en með andlega auðlegð. Margt harðæri hafði hann orðið að
þola, en ábatann gat hann eigi í tölum reiknað. Og hin mörgu
ferðalög Taylors voru ólítill þáttur í mentun hans. Hann tíndi
epli þekkingarinnar beint af sjálfu lífsins tré.
Og hann varð víðfrægastur sem ferðalangur, þó honum
væri eigi sérlega um þá frægð gefið. Hann var eflaust lang-
förlastur allra samtíðarmanna sinna amerískra. Hann lagði að
kalla má land hvert undir fót. Um Evrópu þvera og endi-
langa lágu spor hans, um Asíu og um mikinn hluta Afríku,
að ógleymdum ferðum hans fram og aftur um Norður-Ame-
ríku. Hann gaf út ellefu ferðasögur, flestar stærðar bækur,
voru þær víðlesnar mjög. Hin fyrsta þeirra, l/iews Afoot
(1846), er lýsti ofannefndri ferð skáldsins um Evrópu, kom út
tuttugu sinnum á tíu árum. Og enn munu ferðabækur hans
nokkuð lesnar. Taylor var gæddur miklum blaðamensku-hæfi-
leikum, fréttaritari ágætur. Skömmu eftir að hann kom úr
Norðurálfuför sinni, bauð Horace Greeley, er þá var merk-
astur og áhrifamestur ritstjóri í Bandaríkjunum, Taylor starf