Eimreiðin - 01.04.1957, Blaðsíða 58

130
EIMREIÐIN
leit sinni. Sá, sem sækist eftir því að koma svo ár sinni fyrir
borð, að hann þurfi lítið eða ekkert að starfa, hann reynir það,
þegar hann er búinn að ná þessu setta marki, að á hann sækir
lífsleiði. í stað lífshamingju hreppir hann óhamingju, því að
leiði á lífinu veldur meira auðnuleysi en nokkuð annað.
Starfsamur maður verður aldrei leiður á lífinu. Lífsvél starfs-
leysingjans ryðgar, en lífsvél hins starfsama manns er fægð og
gljáandi, hún ryðgar ekki, en hún slitnar eðlilega.
Lífshamingjan er margþætt, en höfuðatriði til þess að öðl-
ast hana eru starf, stríð og sigrar: Mikið starf og stríð við alls
konar örðugleika, sigrar á örðugleikum, og ekki eingöngu
sigrar á alls konar utanaðkomandi örðugleikum, svo sem sjúk-
dómum, fjárhagsörðugleikum og mörgu fleiru, heldur líka
sigrar á lághvötum manns sjálfs, svo sem á leti, undanhalds-
semi, nautnasýki og fleiru. Sigrar á lághvötum eru ef til vill
stærstu sigrarnir. Sá maður, sem ekki sigrar sínar eigin lág-
hvatir, mun ekki vinna marga sigra á öðrum sviðum lífsins.
Starfsleysi, viljaleysi, siðspilling: þessi þrenning fylgist venju-
lega að. Þetta er þrenningin, er veldur ryðinu á líkama og
sál."
Það eru ekki einungis gáfur og fróðleiksgnægð, hugkvæmni,
líkingalist og málfegurð, sem gerir Þorstein að þeim fyrir-
manni, sem hann er við ritsmíðar og ræðugerð og sennilegast
við allt, sem hann vinnur, það mun engu síður að þakka óbil-
andi viljaþreki og hjartalagi, sem er hlýtt og tigið, vandlæti
hans og kröfu um hrein viðskipti hvers og eins við sína eigin
sál, sérhvern einstakling og þjóðina alla, og brennandi áhuga
hans á því, að vinna til blessunar landi og lýð. Þegar allt
þetta leggst á eitt, er ekki að undra, þótt straumþunginn í
ræðum hans sé næsta mikill. Þorsteinn er einn hinna veilu-
og vammlausu manna, sem ósjálfrátt og vitandi vits gera
mannlífið heiðarlegra og betra. Þess vegna, meðal annars,
býr þróttmeiri þroskaeggjun í ræðum hans en flestra annarra
manna. ,
„Skráð og flutt“ er happafengur öllum þeim, sem annt er
um drenglund og heiður þjóðar sinnar. Ber höfundi og út-
gefendum alhugar þökk fyrir þessa ágætu bók, sem er bæði
ytra og innra gróin myndarskap og prýði.