Eimreiðin - 01.04.1957, Blaðsíða 64

136
EIMREIÐIN
af dvöl minni á írlandi en ef ég liefði ekki notið hans við,
því að fyrir hans velvild og atbeina var dvöl mín þar undir-
búin og skipulögð, svo sem ég gat bezt kosið, en það voru
forstöðumenn upplýsingadeildar ríkisstjórnar Norður-írlands,
ásamt forstöðumanni ferðaskrifstofu þess, er greiddu götu
mína í hvívetna.
2.
Nokkurra atriða til fróðleiks þeim lesendum mínum, sem
ófróðir eru um Norður-írland, mun ég hér geta, en verð að
sjálfsögðu að stikla á stóru. Er þess þá fyrst að geta, að þegar
rætt er um Norður-írland nú á dögum, er ekki átt við allan
norðurhluta landsins, því að vestasti hluti þess telst til írska
lýðveldisins. Norður-írland ber og nafnið Ulster, sem nú
nær yfir 6 héruð eða greifadæmi, en hefur stundum náð yfir
fleiri, flest 9, stundum færri. Ulster-nafnið eða Norður-írland
er nú notað yfir þann hluta írlands, sem er sérstakur hluti
hins sameinaða brezka konungsríkis, en hefur sína eigin ríkis-
stjórn og þing til meðferðar vissra mála. Hér er um að ræða
svipuð sambandsríkistengsl við Bretland og kanadisku fylkj-
anna við sambandsstjórnina í Ottawa. í þeim 3 héruðum, sem
eitt sinn voru hluti Ulster, en nú eru innan marka írska lýð-
veldisins, er meiri hluti íbúanna kaþólskrar trúar, eins og í
lýðveldinu öllu, en í Ulster nútímans er yfirgnæfandi meiri-
hluti íbúanna mótmælendatrúar.
írland er þriðja stærsta eyland Evrópu og kemur því næst
á eftir íslandi að stærð, en Ulster er sjötti hluti írlands og
íbúatalan U/4 úr milljón. í Ulster hefur þjóðarstofninn bland-
azt allmjög ensku og einkum skozku blóði og nokkuð frönsku,
því að Húgenottar, sem voru mótmælendatrúar, flýðu all-
margir til Norður-írlands á dögum Lúðvíks 14. Frakkakon-
ungs. Suður-írski stofninn, einkum vestan til, er hins vegar
nokkuð blandaður spönsku blóði.
Norður-írland er meira iðnaðarland en Suður-írland, þar
sem landbúnaður er höfuðatvinnuvegur. Norður-Irar eru
meiri framfaramenn, hafa tileinkað sér betur nútíma tækni;
stofninn er harðari, viðkvæmnin meiri og rólyndið sunnar,
en hjörtun eru írsk, sem í brjóstunum slá, sunnan og norðan
landamæranna, þótt oft hafi verið deilt og stundum barizt.