Eimreiðin - 01.05.1968, Page 27

náttúruvernd í nvtíma þjódfélagi
99
tekið í tæka tíð, og blasa þó sárin enn við. — Surtsey hefur og verið
friðlýst og sömuleiðis dropasteinar í hellum landsins, sem illu
heilli var farið að mylja niður til muna.
Einn síðasti og þó ekki ómerkasti áfanginn á sviði náttúru-
verndar og stofnun þjóðgarða eru kaupin á Skaftafelli í Öræfum,
sem tókust með rausnarlegri fjárhagsaðstoð alþjóðastofnunar,
„World Wild Life Fund“.
Sumum kann að virðast það fyrirferðarlítið mál, en að dómi
okkar náttúruverndarmanna þó ekki ómerkt, að Náttúruverndar-
ráð hefur beitt sér fyrir friðun sjaldgæfra íslenzkra jurta, svo sem
burknategunda, glitrósar o. fl. — Þá liefur Geysir í Haukadal verið
settur undir sérstaka ríkisvernd, Grýla í Hveradölum nýtur og
verndar og að lokum hefur Skógrækt ríkisins afgirt og verndað
ýmis helztu skóglendin.
Verkefnin.
Margt er þó enn í hættu, bæði kvikt og steinrunnin náttúra.
Örninn er í yfirvofandi hættu, sennilega ekki nema 60 fullvaxn-
ir fuglar og ungar lifandi á síðastliðnu sumri, og taldist þó ávöxt-
urinn góður það árið. Örfáar snæuglur í Ódáðahrauni, nokkrir
haftirðlar í Grímsey og fálkanum fækkandi. — Útlendingar kvarna
niður stjörnusteina í Teigarhorni, merkilegustu zeolítanámu í
Evrópu og surtarbrandur kann senn að ganga til þurrðar á Brjáns-
læk. — Við veiðivötnin á hálendinu er sumsstaðar rekin ránveiði
með þeim furðulega hætti, að fallegur vatnafiskurinn er látinn
bggja rotnandi í kösum á vatnsbökkunum.
Allt ber Jnetta að einum brunni. Það Jrarf nýja náttúruverndar-
löggjöf á íslandi og það þarf sterkt almenningsálit henni til stuðn-
ings.
Náttúruverndarinnar bíða mörg og vaxandi verkefni, því að
á síðustu áratugum hefur vinnudagurinn stytzt, frídögum fjölgað
og af eðlilegum ástæðum sækja bæjarbúarnir meira út í náttúruna.
Áður var vinnuvikan 60—70 klukkustundir, en nú er hún sums-
staðar aðeins 40—45 stundir og þriðji hver dagur ársins frídagur.
Bætt lífskjör og aukinn farkostur gera og almenningi frídagana
auðvelda til ferðalaga. — Byggðin á eftir að Jréttast og fólkinu að
fjölga. Mannvirkjagerðin eykst, fleiri vatnsvirkjanir, vegir og flug-
vellir, hafnarmannvirki á nýjum stöðum. Öllu þessu fylgir mikil
efnistaka og jarðrask. \h'st eru Jretta flest nauðsynjaframkvæmdir,