Eimreiðin - 01.05.1968, Side 80

Rithöfundafélag Svíþjóðar
7 5 ára
Rithöfundafélag Svíþjóðar hélt hátíðlegt 75 ára afmæli sitt í
Stokkhólmi 9. júní síðastliðinn. Afmælishátíðin tók við af fundi
Norræna rithöfundaráðsins, sem haldinn var í Hásselbyhöll dagana
7.-8. júní. Fulltrúar Rithöfundasambands íslands á fundinum
voru formaður og varaformaður sambandsins, Stefán Júlíusson og
Björn Th. Björnsson. Voru þeir einnig boðnir til afmælishátíðar-
innar.
Um miðjan dag á sunnudag 9. júní var móttaka félagsins í ráð-
liúsi borgarinnar. Þar bárust félaginu margar og merkar gjafir, og
voru flutt við það tækifæri fjöldi ávarpa og heillaóska. Af gjöfum
má nefna, að Útgefendafélag Svíþjóðar gaf félaginn 5 góða utan-
fararstyrki til ráðstöfunar á árinu.
Um kvöldið var veglegur afmælisfagnaður í viðhafnarsal ráð-
liússins. Hélt Stokkhólmsborg félaginu veizluna og bauð til hennar
um 500 manns. Við móttökuathöfn félagsins á sunnudaginn afhenti
formaður Rithöfundasambandsins, Stefán Júlíusson, Rithöfunda-
félagi Svíþjóðar gjöf frá sambandinu og flutti við það tækifæri
þessi ávarpsorð:
Herra formaður Rithöfundafélags Svíþjóðar. Heiðruðu gestir.
Mér er það sérstakt gleðiefni og sönn ánægja að koma hér fram
á þessum hátíðisdegi og færa Rithöfundafélagi Svíþjóðar beztu
kveðjur og árnaðaróskir frá íslandi, og þá sérstaklega frá íslenzkum
rithöfundum og samtökum þeirra, Rithöfundasambandi íslands.
Islenzkar bókmenntir hafa löngum verið mikils metnar í Sví-
þjóð, bæði að fornu og nýju, og er það fagnaðarefni að geta minnt
á þetta hér í dag. Sænskir nútímahöfundar telja sig liafa lært af
íslenzkum fornbókmenntum, og Svíar hafa gert íslenzkar nútíma-
bókmenntir frægar á síðustu áratugum. Mikið hefur verið þýtt á
íslenzku af sænskum bókmenntum á þessari öld, og sænskra áhrifa
gætir í íslenzkum bókmenntum síðustu ára. Bókmenntakynnin eru
því gagnkvæm.
Kynni okkar íslenzkra rithöfunda af samtökum sænskra rithöf-