Tímarit lögfræðinga - 01.07.1956, Qupperneq 6

Ordning og nogle af den islandske Fristats Institutioner“,
er kom út í Kaupmannahöfn 1888. Er þetta ítarleg rit-
gerð og vel samin, og rekur höfundur þar kenningar þeirra
Maurers og Finsens og tekur afstöðu til ágreiningsmála
þeirra. Með þessari ritgerð sinni og ritgerðinni um Grágás
varð Páll Briem fyrstur til að kynna löndum sínum stjórn-
skipan og lög þjóðveldisins, en fram til þess tíma hafði
aðeins verið um þau efni ritað á erlendum málum.
Þegar Páll Briem var orðinn amtmaður og seztur að á
Akureyri réðist hann í það stórræði að stofna íslenzkt lög-
fræðitímarit og halda því úti. Lögfræðingastéttin íslenzka,
sem hefði átt að halda riti þessu uppi, var næsta fámenn á
þeim árum, og lítil von hefur verið um að fá áskrifendur,
svo að nokkru næmi utan hennar, og það sýnir bezt áhuga
útgefandans, að hann hóf þessa útgáfu á sjálfs sín kostn-
að, sem honum vafalaust hefir verið ljóst að myndi baka
honum fjárhagslegs tjóns.
Tímarit sitt nefndi hann Lögfræðing. Út komu 5 ár-
gangar þess, á árunum 1897—1901, 156—172 bls. hver
árgangur.
Mestallt efni ritsins lagði útgefandinn sjálfur til. Þó
birtizt þar og nokkurt efni frá öðrum. Klemens Jónsson
skrifaði þar Handbók fyrir hreppsnefndannenn í 1. og
2. árg., og ritgerð um dómstóla og réttarfar í 4. og 5.
árg., og Lárus H. Bjarnason um fyrning skulda í 5. árg.
1 3. árg. var yfirlitsgrein um lagasögu íslands eftir Konrad
Maurer, þýdd af Eggert Briem, síðar hæstaréttardómara.
Allt annað efni ritsins er frá hendi útgefandans sjálfs.
Helztu ritgerðir hans eru þessar: Ágangur búfjár í 1,—-3.
árg., Er leiguábúð, sjálfsábúð og erfðaábúð í 1. og 3.
árg., Fénaðartíund í 1. árg., Löggjöf um áfengi í 1.
árg., Yfirlit yfir sóttvarnarlög Islands í 2. árg., Hundraða-
tal á jörðum í 4. árg., Dagsverk til prests, einnig í 4. árg.
og loks má nefna langa ritgerð um menntun barna og
unglinga í 4. og 5. árg. og er sú ritgerð þjóðhagslegs efnis
og sumar hinna líka að nokkru leyti, en útgefandinn hafði
132