Tímarit lögfræðinga - 01.01.1960, Síða 36

4. Hvaða réttindi séu háð þinglýsingu.
1 30.—32. gr. frv. eru ákvæði um þetta efni. Raunar
eru ýmis ákvæðin neikvæð, þ. e. kveða á um það, hve-
nær ekki sé þörf á þinglýsingu. Af þeirn toga er ákvæði
30. gr. frv. spunnið, þar sem segir, að ekki sé þörf að
þinglýsa framsali veðbréfs eða gerningi (gerð), sem varð-
ar annars konar yfirfærslu á réttindum að þvi. Sama er
um veðsetningu veðbréfs, þegar til hennar er stofnað
með liandveðsetningu bréfsins.
1 31. gr. frv. eru ákvæði um þinglýsingu á afnota-
samningum, en reglur um það efni eru ekki skýrar eftir
gildandi rétti. Talið hefur verið, að réttarvernd slíkra
samninga sé óháð þinglýsingu, ef um venjulega samn-
inga er að ræða, þ. e. ef samningur ge3rmir ekki nein
sérstæð eða óvenjuleg samningskjör og er ekki gerður
til langs tíma, eða unnt er að slita honum með uppsögn
miðað við venjulega fardaga (sbr. hins vegar afnota-
samning með sérstæðu efni hrd. XXVI/39). Við samningu
frv. þótti nauðsvnlegt að orða skýrar reglur um þetta
atriði, og er þá full ástæða til að greina milli íbúðar-
húsnæðis og atvinnuhúsnæðis. Er iagt til í 1. tl. 31. gr.,
að afnotasamningur um íbúðarhúsnæði sé ekki háður
þinglýsingu, ef afnotatíminn er 12 mánuðir hið lengsta.
Þótt afnotatiminn sé lengri en 12 mánuðir, er ekki þörf
á þinglýsingu, ef unnt er að segja upp samningi með
fvrirvara, sem ekki er lengri en 3 mánuðir miðað við
venjulega fardaga. Með hugtakinu íbúðarhúsnæði er
ekki átt við einstök íbúðarherbergi, og er gert ráð fyrir,
að samningar um þau séu y'firleitt ekki háðir þinglýs-
ingu. — Afnotasamningur um atvinnuhúsnæði er ekki
háður þinglýsingu, ef leigutími fer ekki fram úr 2 ár-
um eða unnt er að segja upp samningi með fyrirvara,
scm eigi sé lengri en 6 mánuðir, þótt afnotatími sé 'lengri
en 2 ár. Um mat á því, hvort húsnæði sé atvinnuhús-
næði sjá hrd. XXV/367. — Ábúðarsamningar eru undan-
34
Timarit lögfræOinga