Tímarit lögfræðinga - 01.01.1960, Qupperneq 54

víkur, herbergi málflutningsmanna, eitt skrifstofuherbergi
og íbúð yfirfangavarðar. Neðri hæðin er fangelsið. Eftir
henni endilangri er gangur með klefum til beggja handa
auk varðstofu, eldhúss, búrs, geymsluklefa, yfirheyrzluher-
bergis, baðklefa og snyrtiklefa. Við bakhlið hússins er 650
fermetra útivistargarður með háum múr umhverfis, sem
nýlega hefir verið svo úr garði gerður, að eigi eru taldir
möguleikar á að fangar geti komizt aðstoðarlaust út yfir
hann. Fangaklefar eru 12. Eru það 6 einmenningsklefar, 1
tveggja manna klefi, 2 þriggja manna, 2 fjögurra manna
klefar og 1 fimm manna klefi. Alls klefar fyrir 27 fanga.
Auk þess er einn svokallaður kistuklefi, þ. e. a. s. öryggis-
klefi, sem eigi er notaður nema í þeim tilfellum, að fangi
sé vegna ofstopa eða geðbilunar eigi hafandi í venjulegum
klefa. Einn einmenningsklefinn er sérstaklega útbúinn sem
sjúkraklefi. Vinnustofur eru engar til í húsinu, engin mat-
stofa, dvalarstofa, stofa til læknisskoðana né heimsóknar-
herbergi. Hljóðbært er í því og fram að viðgerðinni á síð-
astliðnu ári var það ekki mannhelt, enda kom það fyrir, að
fangar strykju.
1 hegningarhúsinu hefir verið fullnægt samtímis ýms-
um tegundum refsivistar auk þess sem gæzluvarðhald
hefir verið framkvæmt þar og geðveikir menn hafa í neyð-
artilfellum verið geymdir þar öðru hverju vegna skorts á
sjúkrahúsrými fyrir þá. Að sjálfsögðu hafa gæzlufangar
og geðveikir menn verið einangraðir, en engin tök hafa
verið að aðgreina refsifanga eftir refsitegundum, svo sem
varðhaldsfanga frá fangelsisföngum, eftir að núgildandi
hegningarlög komu til framkvæmda.
Þó að húsið væri í upphafi byggt utanvert við bæinn, er
það nú í næsta nágrenni miðbæjarins við fjölfarna verzl-
unar- og íbúðargötu, sem er samgönguæð talsverðs bæjar-
hluta við miðbæjarsvæðið og höfnina.
Fangaverðir eru 6 að yfirfangaverði meðtöldum og ann-
ast þeir matreiðslu alla og framreiðslu. Yfirfangavörður
sér um öll innkaup stofnunarinnar.
52
Tímarit lögfrœOinga