Tímarit lögfræðinga - 01.01.1960, Qupperneq 55

b. Lögreglustö&varkjallarinn
Undanfarin 20 ár hefir hann verið handtökuvarðhald
bæjarins. Um hann segir lögreglustjórinn í Reykjavík
þetta í bréfi, dagsettu 5. júlí s.l.:
„1. Aðallögreglustöð Reykjavíkur hefir verið til húsa að
Pósthússtræti 3 í um það bil aldarfjórðung. Þegar lögregl-
an fékk það húsnæði til afnota, var um mikla framför að
ræða frá því sem áður var. Ymsir megingallar voru þó á
húsnæðinu þegar frá upphafi og þá fyrst og fremst sá, að
ekki var séð fyrir neinum vistarverum til geymslu ölvaðra
manna, sem nauðsyn bar til að hafa í vörzlu um stundar-
sakir. Hafði lögreglan því eftir sem áður einungis aðgang
að mjög takmörkuðu rúmi í hegningarhúsinu við Skóla-
vörðustíg til framangreindra nota. Reyndist þetta svo mik-
ill annmarki, að hafist var handa á árinu 1940 að innrétta
nokkra klefa í neðanjarðarkjallara lögreglustöðvarinnar
við slæmar aðstæður.
2. 1 fangageymslu lögreglustöðvarinnar eru 10 klefar,
148x176 cm að flatarmáli, en lofthæð er 200 cm. 1 hverjum
klefa er legubekkur með tveimur teppum. Klefarnir eru
gluggalausir á veggjum, en gluggar eru á hurðum þeirra
til þess að fangaverðir geti fylgzt með föngunum. Ekkert
salerni er í kjallaranum og verður því að notast við salerni
iögreglumanna á götuhæð byggingarinnar. Gangar eru
þröngir, en það veldur örðugleikum fyrir lögreglumenn og
fangaverði við að athafna sig við fangaflutninga. Eins og
áður segir hafa aðstæður allar verið slæmar í fangageymsl-
unni frá upphafi. Reynt hefir þó verið á undanförnum ár-
um að endurbæta hana eftir því, sem unnt hefir reynzt.
Loftræstingarkerfi hefur verið sett í fangageymsluna,
gluggar með óbrjótanlegu gleri í klefahurðir til þess að
forðast slysahættu af grindum, sem þar eru, og klefar og
gangar eru málaðir með tiltölulega stuttu millibili í þrifn-
aðarskyni. Hins vegar verður aldrei hægt að gera fanga-
geymsluna að öllu leyti þannig úr garði, meðan hún er í
núverandi húsakynnum, að við megi una.
Tímarit lögfræöinga
53