Tímarit lögfræðinga - 01.01.1960, Qupperneq 81

alls staðar á landinu, þar sem þeirra er þörf. Verður þá
að miða við það, að reynslan sýni að þörfin sé nokkuð var-
anleg, hvort heldur allt árið eða t. d. á vertíðum, sem
standa yfir nokkra mánuði.
Fullnusta allra fangelsisdóma, öryggisgæziudóma og
barnalífeyrisafplánunarúrskurða á að minni hyggju að
gerast í aðalfangelsum landsins í Reykjavík og nágrenni
hennar, sunnan- eða vestanlands. Sama máli tel ég eigi að
gegna um allar varðhaldsrefsingar, hvort heldur sam-
kvæmt varðhaldsdómum eða þegar um sektaafplánun er
að ræða, sem nema nokkurri tímalengd að ráði. Hvar tak-
mörk ætti að setja í því efni er vafalaust álitamál, en ætla
má, að ef refsingin í heild fer fram úr 15 dögum, ætti að
fullnægja henni í aðalfangelsum landsins hér syðra. Hins
vegar virðist eðlilegt, að á fáeinum stöðum í öðrum lands-
hlutum verði möguleikar á að láta menn afplána smásekt-
ir og varðhaldsdóma allt að 15 dögum. Virðist mikið í
kostnað lagt og fyrirhöfn í slíkum tilfellum að flytja menn
hingað suður til varðhaldsvistarinnar. Væri eðlilegt að
þessir afplánunarmöguleikar væru t. d. á Isafirði, Akur-
eyri, Seyðisfirði og í Vestmannaeyjum. Gætu þá næstu hér-
uö við þrjá fyrrnefndu kaupstaðina notað fangahúsin þar
að þessu leyti eftir því sem þörf gerðist. Héruðin sunnan-
og vestanlands gætu hins vegar öll notað fangelsin ,
Reykjavík eða nágrenni í þessum efnum.
Um það geta naumast verið skiptar skoðanir, að aðal-
fangelsi landsins hljóti framvegis, eins og hingað til, að
vera hér í Reykjavík og í nágrenni hennar. Er þá átt við
fangelsi til fullnustu fangelsisrefsinga, varðhaldsrefsinga
og öryggisgæzlu. Auk þess hlýtur Reykjavík að verða
sjálfri sér nóg með húsrjoni til gæsluvarðhalds og geymslu
handtekinna manna og næstu nágrannahéruð, svo sem
Kópavogur og Kjósasýsla ættu að geta í þessum efnum
leitað til hennar eftir þörfum, og jafnvel Hafnarfjörður.
Gullbringu- og Kjósarsýsla, Akranes o. fl., þegar mikið
liggur við.
70
Tímarit lögfrœfiivgn