Tímarit lögfræðinga - 01.11.1983, Blaðsíða 5
EMIL ÁGÚSTSSON
t
Emil Ágústsson, borgardómari, andaðist á
Landspitalanum 5. október 1983 eftir alllang-
varandi vanheilsu.
Hann var fæddur í Reykjavík 11. september
1926. Foreldrar hans voru Ágúst Ólafsson, verk-
stjóri, frá Hamri í Borgarhreppi á Mýrum og
kona hans Jónína Bjarnadóttir frá Minnibæ í
Grímsnesi. Emil ólst upp hjá foreldrum sínum
við mikið ástríki. Hann lauk stúdentsprófi frá
Verslunarskóla íslands vorið 1947 og kandidats-
prófi í lögfræði frá Háskóla íslands vorið 1953.
Emil hóf störf í dómsmálaráðuneytinu 1. júní
1953 og vann þar nær samfellt til 1. febrúar
1955, er hann varð fulltrúi borgardómarans í
Reykjavík. Hann var svo skipaður borgardóm-
ari 13. febrúar 1962. Því starfi gegndi hann
síðan til 1. júlí 1983, er hann lét af störfum af heilsufarsástæðum.
Á árunum 1960 og 1961 stundaði Emil framhaldsnám í tryggingarétti í
Vestur-Þýskalandi. Hlaut hann námsstyrk frá Alexander Humbolts stofnun-
inni þar í landi. Hafði hann mikla ánægju af námsdvöl þessari, en hann var
tungumálamaður og naut þess m. a. að auka við þekkingu sína á þýskri
tungu.
Emil var tvíkvæntur. Fyrri kona hans var Guðrún Vilhelmsdóttir Steinsen,
bankafulltrúa, og Kristínar Sigurgeirsdóttur. Þau gengu í hjónaband í sept-
ember 1952, en sambúð þeirra var eigi löng, því að Guðrún lést 27. apríl
1953 af sjúkdómi, sem læknar gátu eigi ráðið bót á.
Síðari kona Emils var Lillian Simson, dóttir Martinus Simson, Ijósmyndara
á ísafirði, og konu hans Gerdu Simson. Emil og Lillian slitu samvistum 1981.
Dætur þeirra eru: Guðrún Dröfn, fædd 14. júlí 1967 og Ragna Björk, fædd
18. maí 1969.
Emil var mikið prúðmenni. Hann var einstaklega þægilegur í allri um-
gengni en auk þess var hann hrókur alls fagnaðar á góðri stund. Hjálpsemi
hans og greiðvikni var viðbrugðið.
Dómarastarfið lá mjög vel fyrir Emil, og átti hann gott með að greina
kjarnann frá hisminu í hverju máli. Þá var hann þekktur fyrir að skrifa stutta
og glögga dóma. En segja má, að það sé aðalsmerki góðs dómara að
meitla dóm sinn í stuttan og skilmerkilegan texta.
Samstarfsmenn þakka Emil samfylgdina. Með honum er genginn góður
drengur.
Bjarni Kristinn Bjarnason
123