Tímarit lögfræðinga - 01.11.1983, Blaðsíða 11
Reykjavlk, Signý, leikhússtjóri á Akureyri, Þórunn, kennari í Reykjavík, Sig-
þrúður, vinnur a5 myndlist í Reykjavik, Anna Heiða, stundar verslunarstörf
í Reykjavík og ívar, sem stundar nám í viðskiptafræðum við Háskóla islands.
Áður en Páll kvæntist eignaðist hann einn son, Gísla Hlöðver, sem búsettur
er í Bandaríkjunum, doktor í stjörnufræði og prófessor við Michigan Uni-
versity.
Af því sem hér að framan er rakið má sjá, að Páll var alla tíð mikill dugn-
aðar og atorkumaður og áhugasamur um margvísleg félagsmál.
Kynni mín af Páli hófust ekki fyrr en hann var orðinn þekktur lögmaður,
er ég réðist sem fulltrúi á málflutningsskrifstofu hans árið 1964, þá nýkom-
inn frá prófborði. Minnist ég þess, að það var með nokkrum kvíða, að ég
hóf störf, þar sem mér hafði verið sagt, að Páll væri harður í horn að taka
og óvæginn við fulltrúa sína. Kviði minn reyndist þó með öllu ástæðulaus.
Páll reyndist mér hinn besti húsbóndi, þægilegur og hjálpsamur kennari,
sem studdi mig dyggilega fyrstu sporin í starfi. Er tíminn leið kynntist ég
betur hver mannkostamaður Páll var og hefur það verið mér mikils virði
að hafa kynnst honum og notið vináttu hans.
Páll var margþættur persónuleiki, glaðbeittur og upplitsdjarfur og gekk
að hverju verki af einurð og dugnaði. Var hann mikill afkastamaður, enda
eftirsóttur sem traustur og virtur lögmaður. En þótt ég minnist Páls sem
húsbónda og kollega, minnist ég hans miklu fremur sem góðs vinar um
margra ára skeið. Ég minnist laxveiðimannsins og ótal ánægjulegra sam-
verustunda við Laxá á Ásum, ég minnist hestamannsins, þeysandi á Blesa
sínum upp um heiðar á björtu vorkvöldi, ég minnist hagyrðingsins, sem gat
sett fram skemmtilega og oft beinskeitta vísu, við nánast hvaða tækifæri
sem var, ég minnist ferðafélagans úr ótal ferðum innanlands og utan, en
við hjónin áttum þess kost að ferðast með Páli og Guðrúnu þó nokkrum
sinnum til útlanda og eigum við margar ánægjulegar minningar úr þeim
ferðum. Ég minnist gestgjafans, en Páll var höfðingi heim að sækja og naut
þar dyggs stuðnings eiginkonu sinnar. Var alltaf jafn notalegt að koma í
Steinnes, eða eins og það heitir nú, Skildinganes 28, þar sem Páll bjó með
fjölskyldu sinni, og er heimilið með miklum myndarbrag.
Páll var ágætur hagyrðingur eins og fyrr segir og hann var einnig vtð-
lesinn og fróður og hafði á hraðbergi Ijóð góðskálda okkar. Oft var það á
gleðistund, að Páll fór með vtsu eða sagði frá einhverju áhugaverðu efni,
sem hann var að lesa þá stundina. En Páli lét ákaflega vel að segja frá,
hann var mælskur vel og átti auðvelt með að setja mál sitt fram á einfaldan
og skýran hátt. Naut hann þess bæði í starfi sínu sem málflytjandi og ekki
sfður við ýmis tækifæri sem hnyttinn og skemmtilegur ræðumaður.
Með Páli er genginn einn af svipmestu lögmönnum samtíðarinnar, sem
ekki gleymist þeim er honum kynntust.
Þorsteinn Júlíusson
129