Tímarit lögfræðinga - 01.12.1987, Blaðsíða 5
FRIÐRIK SIGURBJÖRNSSON
Friðrik var fæddur [ Reykjavík 2. septem-
ber 1923, sonur hjónanna Sigurbjörns Þorkels-
sonar kaupmanns í Vísi á Fjölnisvegi [ Reykia-
vík, sem síðar var forstjóri kirkjugarðanna í
Reykjavík, og seinni konu hans, Unnar Haralds-
dóttur, en hún og Ragna kona Jóhanns Gunn-
ars Ólafssonar fyrrv. bæjarfógeta voru systur.
Friðrik ólst upp í foreldrahúsum á Fjölnis-
vegi 2 ásamt systkinum sfnum og í nágrenni
tveggja aldavina sinna, sem einnig eru lög-
fræðingar, en það eru þeir Jón S. Magnússon,
aðalfulltrúi í Stykkishólmi og Þorsteinn Ó. Thor-
arensen, rithöfundur. Þessir þrír ásamt undir-
rituðum voru bekkjarfélagar í Menntaskólan-
um í Reykjavík og útskrifuðust á 100 ára af-
mæli skólans í júní 1946.
A menntaskólaárunum komu strax fram góðir eiginleikar Friðriks til rit-
starfa, en hann var 3 ár [ ritnefnd Skólablaðsins, þar af tvö síðari ritstjóri
þess. Þá komu út á þessum tíma Minningar úr Menntaskóla, en Friðrik og Ár-
mann Kristinsson, einn af bekkjarbræðrunum, nú sakadómari, ritstýrðu bók-
inni. Friðrik lék líka í Herranótt Menntaskólans í leikritinu Enarusi Montanusi,
og síðar á háskólaárunum, sem í hönd fóru, lék Friðrik í útvarp, samdi leik-
þætti auk þess sem hann fékkst við að mála málverk.
Friðrik innritaðist í lagadeild Háskóla íslands og varð cand. juris 24. jan-
úar 1953. Þá um haustið eða 3. nóvember 1953 var hann skipaður lögreglu-
stjóri [ Bolungarvík og fluttist þá vestur ásamt eiginkonu sinni, Halldóru, sem
hann gekk að eiga 12. ágúst 1950, en hún er dóttir Helga kennara á Akur-
eyri Ólafssonar og konu hans Valnýjar Ágústsdóttur. Halldóra, sem er sjúkra-
liði, lifir mann sinn ásamt börnum þeirra, þeim Friðrik, lögfræðingi, Þorvaldi,
fornleifafræðingi og Unni Ástu, nema.
Friðrik varð oddviti Hólshrepps frá 1. des. 1953 og jafnframt rafveitustjóri,
hafnarstjóri og vatnsveitustjóri þar til 30. júní 1956. Friðrik fékk lausn frá
lögreglustjórastarfinu 27. mars 1963 frá 1. maí s. á.
Ég hygg, að árin í Bolungarvík hafi máske verið þau bestu í lífi Friðriks.
Þau Halldóra höfðu búið sér mjög fallegt heimili í lögreglustjórabústaðnum,
en við það lét Friðrik byggja notalega viðbyggingu með arni. Naut ég þar
ágætrar gestrisni þeirra hjóna í nokkur skipti, er ég var á ferð á ísafirði í
lögfræðierindum.
22 7