Tímarit lögfræðinga - 01.12.1987, Blaðsíða 58

Þorgeir Örlygsson:
Ritstörf: Lögfesting almennrar ógildingarreglu í III. kafla laga nr. 7/1936.
Timarit lögfræðinga 36 (1986), bls. 85-113. — Viðurkenning erlends dóms
um ógildingu hjúskapar, Hrd. 1985.599. Tímarit lögfræðinga 36 (1986), bls.
264-269.
Fyrirlestrar: Um breytingar á samningalögunum nr. 7/1936. Fluttur á fundi
[ Lögfræðingafélagi islands 14. apríl 1986. — Um verndun hugverka með
mynsturvernd. Fluttur á fundi hjá SVESI, Samtökum um vernd eignarréttinda
á sviði iðnaðar, í apríl 1986.
Rannsóknir: Samning frumvarps fyrir viðskiptaráðuneytið um breytingar á
III. kafla laga nr. 7/1936 ásamt Viðari Má Matthíassyni, héraðsdómslögmanni.
— Samning frumvarps fyrir iðnaðarráðuneytið um mynsturvernd.
Vinnsla Lagasafns.
Þann 1. maí 1986 var Jón Sigurgeirsson lögfræðingur ráðinn til þess að
hafa yfirumsjón með innfærslu lagabreytinga sem orðið hafa síðan 1. október
1983. Er nú langt komið að fella lög ársins 1985 inn í tölvutextann sem fyrir
er, en helst hefur það orðið til tafa hversu erfitt hefur verið að fá fólk til sam-
lesturs. Er ætlunin að ganga frá leiðréttingum til ársloka 1985 og opna þá
tölvulagasafnið til almennra nota. Á skjámynd verður að sjálfsögðu tilgreint
hversu langt leiðréttingar ná. Síðan er ætlunin að haldið verði áfram með
leiðréttingar og lög ársins 1986 felld inn I textann. Þar sem þann texta má fá
fullskráðan frá Ríkisprentsmiðjunni Gutenberg sparar það mikla vinnu við
skráningu og samlestur.
Enn hefur ekki verið hafist handa um að taka reglugerðum tak, en þar er
geysimikið verk að vinna. Ástæðan fyrir aðgerðaleysi er sú að ekki hefur
tekist að finna mann til að vinna verkið.
í októbermánuði 1986 var gengið frá línutengingu milli SKÝRR og Lögbergs,
en línan var þó skjótlega rofin vegna leiðtogafundarins og dróst síðan nokk-
uð að tengt væri að nýju. Nú er hins vegar ekki annað eftir en að menn læri
á tækin til að geta flett upp I lagasafninu með tölvu.
GerSardómur og ráðgjafarþjónusta Lagastofnunar.
Þann 28. febrúar 1986 var gerðardómur og ráðgjafarþjónusta Lagastofn-
unar Háskóla íslands sett á stofn og reglur þar að lútandi samþykktar. í verk-
efnanefnd voru kosnir: Stefán Már Stefánsson formaður, Björn Þ. Guðmunds-
son og Gaukur Jörundsson, en til vara Jónatan Þórmundsson. Starfsemi þessi
var fyrst kynnt I Tímariti lögfræðinga 36. árg. 1986, bls. 141-145, en auk
þess hefur verið unnið að gerð kynningarbæklings. Þann 30. janúar 1987 kynnti
formaður verkefnanefndar starfsemi þessa á fundi I Lögmannafélagi Islands.
Hefur Hrafnhildur Stefánsdóttir verið til aðstoðar við þennan undirbúning.
Ráðgjafarþjónustunni hafa borist tvö verkefni sem þegar hafa verið af-
greidd og tvö eða þrjú eru I deiglunni; allmargar fyrirspurnir hafa borist
svo að ekki virðist þurfa að óttast verkefnaskort þótt starfsemin hafi ekki
verið mikið kynnt. Engin beiðni hefur borist um gerðardóm, en nokkrar fyrir-
spurnir hafa borist.
280
Sigurður Líndal
forstöðumaður