Árbók Háskóla Íslands - 30.12.2005, Blaðsíða 31

öðrum fjölmiðlum og gegnt mikilvægu hlutverki í ýmsum verkefnum í mennta-
málum á vegum íslenskra menntastofnana. Merkasta þrekvirki hans á síðustu
árum sé þó það að hafa komið Vísindavefnum á laggirnar og ritstýrt honum. Vef-
urinn sé eins konar rafræn alfræðibók þar sem fólk getur fengið svör við spurn-
ingum sínum frá sérfróðu fólki. Vefurinn hvetji til samræðu milli vísindamanna og
almennings og eftir fimm og hálfs árs starf séu svör á vefnum komin á sjötta
þúsund. Aðsóknin jafngitdi því að 3-5% íslensku þjóðarinnar heimsæki vefsetrið í
hverri viku.
Lokahátíð Háskóla unga fólksins
Skólahaldi Háskóla unga fólksins 2005 lauk 25. júní með glæsilegri lokahátíð í Sal
1 í Háskólabíói. Páll Skúlason rektor Háskóla (slands hóf hátíðina með stuttu
ávarpi og að því búnu voru nemendur HUF kallaðir upp á svið. einn af öðrum. og
afhent viðurkenningarskjal til staðfestingar á námi sínu í skólanum. Alls skráðu
145 nemendur sig í skólann og það var því fríður hópur sem tók við dynjandi tófa-
taki hátíðargesta þegar síðasta viðurkenningarskjalið hafði verið afhent.
Að brautskráningunni lokinni tóku við dagskráratriði þar sem nemendur HUF
veittu innsýn í það sem fengist var við í skólanum. Kór japönskunema steig á svið
og flutti þrjár útgáfur af vinsælu japönsku dægurlagi sem fjaltar um góða kosti
heitra baða. Þar á eftir fræddu þrír nemendur gesti um aðferðir og viðfangsefni
þjóðfræðinnar og að lokum fluttu tveir nemendur stuttan og bráðsmellinn leikþátt
á frönsku. Einnig gafst kostur á að kynna sér starfsemi vetnisvélar. rannsaka
segutsvið í koparröri. skoða plaköt um kynjafræði og fleira. Gríðargóður andi ríkti
á hátíðinni og er óhætt að segja að ánægja foreldra og nemenda með skólahaldið
hafi verið mikil.
Vísindalist á Menningamótt
Háskóli íslands tók á árinu í þriðja sinn þátt í dagskrá Menningarnætur í Reykja-
vík með óvenjulegu tilraunaverkefni undir heitinu Vísindalist sem unnið var í
samstarfi við Listasmiðjuna Klink og Bank. Vísindamenn og listamenn leiddu
saman hesta sína og freistuðu þess að bregða Ijósi á spurningar á borð við: Eru
vísindi list? Er list vísindi? Hvaða orka losnar úr tæðingi þegar vísindi og listir
sameina krafta sína? Menningarnótt markaði upphaf þessa samstarfsverkefnis
sem stendur fram á vorið 2006 og lýkur með sýningu og útgáfu heimildarits.
Þróunarsamvinnustofnun íslands kostar nýja lektorsstöðu í
þróunarfræðum
í ársbyrjun var Jónína Einarsdóttir ráðin í nýja lektorsstöðu í mannfræði þróunar
við mannfræði- og þróunarskor félagsvísindadeildar Háskóla íslands. sem Þró-
unarsamvinnustofnun íslands kostar til þriggja ára. Hlutverk Jónínu verður meðal
annars að byggja upp meistaranám við Háskóla íslands á þessu sviði. en það
verður í fyrsta sinn sem boðið er upp á slíkt nám við íslenskan háskóla. Með efl-
ingu náms og rannsókna í þróunarfræðum eru Háskólinn og Þróunarsamvinnu-
stofnun í senn að vinna frumkvöðlastarf í þessum mátaflokki hérlendis og koma
til móts við þann mikla áhuga sem þróunarmálum hefur verið sýndur undanfarin
ár og m.a. hefur birst í afar góðri aðsókn á opin málþing og ráðstefnur sem þess-
ir aðilar hafa efnt til undanfarin misseri.
Öflugt samstarf Actavis og Háskóla íslands
Háskóli (slands og lyfjafyrirtækið Actavis gerðu í upphafi árs með sér samstarfs-
samning sem veitir nemendum við Háskólann tækifæri til þess að glíma við verk-
efni sem tengjast starfsemi Actavis. Jafnframt nýtur fyrirtækið þekkingar kennara
og nemenda við Háskóla (slands. Til þess að stuðla að þessu markmiði var með
undirritun samningsins stofnsettur sjóður sem úthlutar styrkjum til nemenda.
Actavis leggurtil árlega allt að 4 m.kr. í verkefnasjóðinn í þrjú ár. samtals 12 m.kr.
Styrkveitingar miðast að mestu leyti við verkefni nemenda við lyfjafræðideild.
verkfræðideild og viðskipta- og hagfræðideild Háskóla íslands.
Háskóli íslands og Samskip í samstarf um kvikmyndafræði
Kennsla hófst um haustið í kvikmyndafræði sem sjálfstæð námsgrein við hugvís-
indadeild Háskóla islands og styður Samskip námið rausnarlega með því að
kosta stöðu kennara. Til að byrja með verður kvikmyndafræðin 30 eininga auka-
grein á BA stigi en stefnt er að því að byggja upp framhaldsnám í greininni á
næstu árum. Styrkur Samskipa til Háskóla íslands vegna kvikmyndafræðináms-
ins nemur 3.6 m.kr. á næsta ári og var samningur þar að lútandi undirritaður 10.
maí af Páti Skúlasyni rektor og Ólafi Ólafssyni. starfandi stjórnarformanni Sam-
skipa, að viðstöddum fulltrúum beggja samningsaðila.