Hugur - 01.01.1995, Blaðsíða 126

124
Jörgen Pind
HUGUR
7 + 2 + 6= 15
7 + 5+3= 15
5 + 2 + 8= 15
En þar eð tvær tölur eru þegar fráteknar, stendur í raun aðeins ein
eftir og B ætti því að velja hana til að koma í veg fyrir að A vinni.
Það er talan 8.
Beinum næst sjónum okkar að öðrum leik sem lesendur kannast
væntanlega flestir við. Þessi leikur er leikinn með blaði og blýanti,
með krít á töflu, með því að krota í sand eða öðrum svipuðum
aðferðum. Leikurinn fer fram á leikborði sem er eins og hér er sýnt:
Tveir leikmenn skiptast á að merkja sér reiti, annar með X-um,
hinn með O-um. Sá vinnur sem fyrstum tekst að merkja sér heila lfnu
(lóðrétta, lárétta eða skálínu).
Setjum sem svo að eftirfarandi staða hafí komið upp í leik og B
(sem merkir sér reiti með O) á leik - hvað á hann að gera?
0
X
X X o
Svarið „liggur í augum uppi“ - B merkir sér reitinn efst til hægri.
X-O leikurinn er barnaleikur einn og börn eru fljót að læra hann til
þeirrar hlítar að geta alltaf haldið jöfnu. Reikningsþrautin sem fyrr
var nefnd er hins vegar býsna flókin og vefst væntanlega fyrir flestum
að ná sambærilegri leikni í honum. En athyglisvert er að hér er í raun
um sama leikinn að ræða, aðeins ólíka táknun hans. Hægt er að
sannfæra sig um þetta með því að gefa reitunum í seinni leiknum
tölugildi: