Dvöl - 01.01.1948, Síða 64

62
DVÖL
á hve kjarnmiklu máli bréf Ingíbjargar
eru rituð. Málfar og stíll þessarar ólærðu
konu er með ágætum. Að vísu er málfar
hennar, dönskuskotið, en dönskusletturn-
ar eru eins og óverulegt rýð á góðmálmi,
sem er gljáandi og feyrulaus, þegar
ryðið hefur verið strokið af.
Finnur Sigmundsson landsbókavörður
hefur búið bréf Ingibjargar undir prent-
un af vandvirkni og alúð. Bókin er prýdd
nokkrum myndum og dregnum upphafs-
stöfum eftir Hafstein Guðmundsson
prentsmiðjustjóra.
V. J.
Nokkrar barna og unglingabœkur.
I
Dvöl hafa borizt allmargar barna- og
unglingabækur að undanförnu, og verð-
ur hér getið nokkurra þeirra.
Snælandsútgáfan hefur sent frá sér
tvær ágætar unglingabækur nú í haust,
eru það Nýir dýrheimar eftir Kipling og
Sól og regn eftir Badven Pawell skáta-
höfðingjann alkunna. Nýir dýrheimar er
ein af frumskógabókum Kipiings og
framhald af Dýrheimum, er út kom í
fyrra. Þetta eru frábærar unglingabækur,
fróðlegar, skemmtilegar og bókmennta-
leg lirtaverk, enda hafa þær lagt undir
sig svo að segja allan heiminn. Gísli
Guðmundsson fyrrv. alþingismaður hefur
íslenzkað þessar bækur og er þýðingin
afbragsgóð. — Sól og regn er ágæt
barnabók um dýralíf, skreytt mörgum
myndum eftir höf. sjálfan. Jón Helgason
blaðamaður hefur þýtt bókina og er mál
hennar hreint og snjallt.
Þá hefur bókaútgáfa Pálma H. Jóns-
sonar sent frá sér í nýrri útgáfu barna-
bókina Við Álftavatn eftir Ólaf Jóh.
Sigurðsson. Þetta er góð barnabók, og
var Ólafur kornungur, þegar hann reit
hana. — Einnig hefur sama útgáfa sent
frá sér hið fræga ævintýri Kiplings
Hvíti selurinn í þýðingu dr. Helga Pét-
urssonar, og er það frábærlega vel gerð
þýðing, og getur hver fullorðinn maður
lesið hana sér til sálubótar, þó ekki væri
nema vegna málfarsins.
Draupnisútgáfan hefur og sent frá sér
nokkrar barna- og unglingabækur nú í
haust. Má þar nefna laglega og sérstæða
lesbók fyrir lítil börn. Nefnist hún
Goggur glœnefur. í henni er fjöldi prýði-
lega gerðra teiknimynda við barna hæfi.
Höf. er norskur, en Freysteinn Gunnars-
son hefur snúið lesmáli á íslenzku af
sinni alkunnu smekkvísi og lipurð. Þá
má og nefna drengjabók, sem nefnist
Uppreisnin á Haiti og Hjörtur Krist-
mannsson kennari hefur þýtt og stúlkna-
bók er nefnist Prinsessan, og er hún þýdd
af Axel Thorsteinssyni.
f djörfum leik eftir Þorstein
Jósepsson. — Útgef. Hlaðbúð 1946.
Bókaútgáfan Hlaðbúö hefur þegar
unnið til verðugrar hylli með útgáfu
nokkurra ágætisbóka, þótt hún sé enn
ungt fyrirtæki. Hún gaf fyrst út Mann-
þekking eftir Símon Jóh. Ágústsson, sem
er ágæt bók og er fyrsta íslenzka bókin
um sálfræðileg efni, sem náð hefur al-
mennri útbreiðslu hér á landi. Siðan
hefur Hlaðbúð gefið út Vísnabókina, en
í henni eru ýmis gömul og ný barnaljóð
og þjóðkvæöi, sem Símon Jóh. Ágústsson
hefur valiö, en Halldór Pétursson list-
málari dregið ágætar myndir um efni
kvæðanna. Þá er og nýkomin út hjá
Hlaðbúð bók er nefnist Fornir dansar, og
er þar saman komiö mikið safn gamalla
dansa og víkivaka, og hefur Ólafur Briem
búið þá bók til prentunar, en Jóhann
Briem listmálari teiknað í hana myndir.
Að síðustu er komin út bók eftir Þor-
stein Jósepsson og nefnist hún í djörfum
leik, og hefur hún borizt Dvöl. Eru þetta
frásagnir um ýmsa merkustu iþróttamenn
og íþróttakeppnir heimsins. — Þorsteinn