Valsblaðið - 01.05.1994, Page 17

Linda Stefánsdóttir körfuknattleikskona í Val.
Takmarkiö að komast
í úrsl'rtakeppnina
-segir Linda Stefánsdóttir
Texti: Jóhann Ingi
Linda Stefánsdóttir var valinn leik-
maður ársins í fyrra hjá meistara-
flokki í körfubolta. Linda er nú ein af
burðarásum liðsins og stýrði því
meðal annars til sigurs í Reykjavíkur-
mótinu í ár. Eftir frekar slakt gengi í
fyrra hefur Valsstúlkunum gengið
ágætlega í íslandsmótinu í ár og
Linda segir að stefnan sé að tryggja
liðinu sæti í úrslitakeppninni. Ég bað
Lindu um að segja okkur aðeins frá
hennar fcrli og um leið minnistæðasta
leik sem hún hefur spilað.
Svali góður þjálfari.
Linda er tuttugu og tveggja ára gömul.
Hún byrjaði að æfa körfubolta hjá IR á
fermingaraldri og var þar til ársins 1993.
Þá ákvað hún, ásamt fleirum leik
mönnum ÍR, að skipta um félag og varð
Valur fyrir valinu. Linda er frekar bjart-
sýn á framtíð körfúboltans hjá Val.
Liðið hefur nú þegar náð einum titli á
þessu tímabili með sigri í Reykjavíkur-
mótinu, en þeim hefur ekki gengið jafn
vel í íslandsmótinu. Linda vonaðist
sjálf til þess að árangur liðsins yrði betri
en hann var í fyrra, en þá komst Valur
ekki í úrslit. Linda hefur trú á að liðið
komist í úrslitakeppnina í vor.
Svali Björgvinsson er þjálfari liðsins og
Linda lýsir honum sem mjög góðum
þjálfara og segir að vinna hans eigi eftir
að skila sér í góðum árangri.
Úrslitaleikur í bikarnum
minnistæður
Úrslitaleikur í bikamum minnistæður.
Þar sem svo stutt er síðan Linda kom til
Vals er eftirminnilegasti leikurinn
hennar ekki með Val en það er samt
Vals keimur af leiknum. Enlátumnú
Lindu um að útskýra gang mála.
„Minnistæðasti leikur minn var þegar
við ÍR-ingar lékum til úrslita í bikamum
árið 1991. Leikurinn var dæmigerður
úrslitaleikur, mikil mistök hjá báðum
liðum og ekkert var gefið eftir. Liðin
leiddu leikinn til skiptis og var munur-
inn aldrei mikill. Þegar u.þ.b. 30 sek-
úndur vom eftir af venjulegum leiktíma
fór að draga til tíðinda, við vomm þrem-
ur stigum undir en tókst að knýja fram
framlengingu með þriggja stiga körfú á
loka sekúndunum (en þessi þriggja stiga
karfa dugði ekki til sigurs heldur var
það þeirra þriggja stiga karfa sem
leikurinn vannst á að lokum). Þegar
skammt var til leiksloka í framleng-
ingunni vom við tveim stigum yfir en þá
tókst ÍS að skora þriggja stiga körfú og
tíminn rann út. Þær höfðu því unnið
með einungis einu stigi sem var mjög
svekkjandi og gerði þennan leik svona
eftirminnilegan. Lokatölur urðu 52-51
ÍS í hag.
Sú sem tryggði ÍS-ingum sigurinn, með
þessari körfu, heitir Kolbrún Leifsdóttir
og svo skemmtilega vill til að ég spila
með dætmm hennar í meistaraflokki
Vals. Dætur hennar em þær Sigrún
Jónsdóttir og Alda Jónsdóttir og að spila
með þeim á ávallt eftir að minna mig á
þennan leik.”
Landsliðskona.
Linda er fædd í 6. júní árið 1972 og því
aðeins tuttugu og tveggja ára gömul.
Hún hefur lengi átt fast sæti í íslenska
landsliðinu og þegar hún skipti yfir í
Val varð hún fyrsta landsliðskona Vals í
kvennakörfúnni. Það er því engin vafi
að koma hennar að Hlíðarenda hefur
verið mikill styrkur fyrir Valsliðið og
það er aldrei að vita nema hún, ásamt
félögum sínum í liðinu, eigi efitr að
koma heim með fleiri titla í framtíðinni.
VALSBLAÐIÐ 17