Valsblaðið - 01.05.1994, Blaðsíða 46

„Hins vegar er voða erfitt að byrja í
nóvcmbcr og undirbúa sig, í snjónum og
kalda veðrinu“, sagði Arney.
þjálfarann sem við höfum haft, hann
var alltaf mjög jákvæður og drífandi.
Ragnheiður Víkingsdóttir tók við af
honum og ég hef mikla trú á henni. Hún
er búinn að vera lengi í knattspymu og
veit alveg hvað hún er að fara út í. Þetta
er hinsvegar fyrsta árið hennar sem
þjálfari og það á eftir að koma í ljós
hvað býr í henni.”
- Verður hún þá spilandi þjálfari?
„Nei, ég held að hún hafi verið ráðin
bara sem þjálfari. Hún var líka búin að
lýsa því yfir að hún væri hætt að spila.”
- Ef við snúum okkur þá að deildinni.
Nú er mikill munur á „góðu” liðunum
og „lélegu” liðunum í deildinni, á
deildin eftir að verða jafnari næsta
sumar?
„Hingað til hefur ekki verið nægilega
mikil breydd í kvennaknattspymunni.
Fimm lið, KR, Breiðablik, Valur,
Stjaman og IA, eru alltaf nokkuð jöfn í
toppbaráttunni en svo vom, t.d. í sumar,
Haukar, Dalvík og Höttur alveg einum
klassa fyrir neðan.
A KSI þinginu kom tillaga um að fækka
liðum í 1. deildinni. Eg held að
utanbæjarfélögin hafi fellt hana. Ég skil
samt ekki hvers vegna þau vilja vera í 1.
deild þegar munurinn er svona mikill á
liðum, KR var t.d. að vinna Hauka 18-0
og það gerir engum gott. Tillagan á
þinginu var mjög góð og mér fmnst
slæmt að hún hafi ekki verið samþykkt.
Það átti að fækka liðunum niður í sex og
spila áfram tvær umferðir. Fjögur efstu
liðin mundu svo leika til úrslita um
íslandsmeistaratitilinn en tvö neðstu
liðin í 1. deild og tvö efstu í 2. deild áttu
að leika um sæti í 1. deild að ári.”
- Hvað veldur því að Reykjavíkurliðin
eru sterkari en utanbæjarliðin?
„Það sést á unglingamótunum, eins og
Gull & silfur mótinu, að liðin út á landi
eru ekki síðri en Reykjavíkurliðin.
Liðin héðan fá hinsvegar margar stelpur
til sín sem koma hingað í nám eða bara
til að vinna.”
- Eru peningar í kvennaknattspyrn-
unni?
„Ekki svo ég viti til. Þaðerkannski
verið að bjóða stelpum íbúð eða ein-
hverja aðstoð við að fá vinnu, en ég held
að voðalega lítið sé um beinar peninga-
greiðslur. Aðstoðin einangrast hinsveg-
ar ekki við Reykjavík, liðin úti á landi
bjóða leikmönnum alveg eins.”
- Eru þóknanir fyrir getu í íþróttum
komnar út í öfgar hér á landi?
„Sérstaklega í karlaboltanum er þetta
orðið algjört rugl. Félögin eru flest á
hausnum en eru samt að bjóða
strákunum gull og græna skó fyrir að
koma og spila. Það er ekki nein leið að
reka íþróttafélag með þessu áframhaldi.
Mér skilst samt að þetta hafi eitthvað
minnkað hjá Val og það hefur sýnt sig
þar sem helmingur leikmanna hjá meist-
araflokki er farinn í önnur félög - sem
þá væntanlega borga meira.”
- Hverjir eru möguleikar ykkar næsta
sumar í 1. deildinni?
„Við eigum að vera í baráttunni. Við
höfum samt misst nokkuð margar
stelpur frá s.l. sumri. Ragnheiður
Víkingsdóttir, Bryndís Valsdóttir,
Kristín Briem og Kristín Amþórs em
allt stelpur úr byrjunarliðinu í sumar
sem hafa ákveðið að hætta. Við höfum
hinsvegar áður misst margar góðar
stelpur en liðið er vant því að vera í
toppbaráttunni.”
- Eruð þið með nógu sterkar stelpur
til að fylla upp í þessi skörð?
„Hópurinn í fyrra var mjög stór og allt
góðar stelpur. Það hafði hinsvegar sína
slæmu hlið þar sem góðar stelpur
komust ekki einu sinni á bekkinn og
skiptu því um félag. Við hefðum vel
getað notað þessar stelpur næsta sumar
en þær fóru í Stjömuna og hafa ekki
komið aftur.”
- Verður þá mikið af nýliðum í liðinu í
sumar?
„Eins og ég sagði áðan fínnst mér ekki
koma mikið af stelpum úr yngri
flokkunum. Ég hef verið héma í langan
tíma og mjög fáar stelpur hafa komið
nýjar í meistaraflokk úr yngri flokk-
unum. Við höfum verið lengi með sama
kjamann svo það hefur ekki skipt miklu
máli, en núna þyrftum við á nýjum
stelpum að halda.”
- Fáir nýliðar, getur það ekki verið
bein afleiðing af sterkum meistara-
flokki liðina ára?
„Auðvitað hefur það sitt að segja þegar
erfítt er fyrir þessar stelpur að komast
að. Þær leita þá kannski í önnur félög
þar sem þær fá að spila. Hinsvegar ættu
samt alltaf nokkarar stelpur að skila sér
alla leið upp í meistaraflokk en það
hefur ekki verið.”
- Hvernig hefur áhorfendafjöldinn
verið á hjá ykkur?
„Yfirleitt eru mjög fáir sem koma og
horfa á kvennaknattspymu. Það kostar
300 krónur á leikina hjá okkur núna og
ég held að engu máli skipti þótt frítt
væri á völlinn. Ahorfendur nenna ekki
að koma og horfa á leiki sem við burst-
um 10-0, eða eitthvað í þá áttina. Það
vantar þessa spennu og samkeppni sem
hefði getað orðið ef tillagan sem við
töluðum um áðan hefði verið
samþykkt.”
- Hafði kvennalandsliðið í sumar góð
áhrif fyrir ykkur?
„Ég held að það sé ekki spuming.”
- Var landsliðið í sumar svona
einstaklega gott eða sýnir þetta rétta
mynd af stöðu kvennaknattspyrnunar
á íslandi í dag?
„Það er mikil framfor í kvennaknatt-
spymu á Islandi. I landsliðið eru kom-
nar margar ungar og góðar stelpur í
bland við gamla jaxla. Logi hefur líka
náð að blanda þessu einstaklega vel
saman og árangurinn hefur verið
frábær.”
- Ertu ánægð með Loga sem land-
sliðsþjálfara?
„Logi hefur gert mjög góða hluti og
verið sérstaklega áhugasamur. Það var
mikill missir fyrir landsliðið að hann
skyldi hætta en vonandi tekur einhver
góður við af honum.”
- Og svona að lokum. Áttu þér ein-
hvern minnistæðan leik sem þú getur
sagt okkur frá?
„Ég hef verið lengi í knattspymu og
margir leikir eru minnistæðir. Ég man
samt sérstaklega eftir bikarúrslita-
leiknum árið 1990 þegar við unnum ÍA
og ég skoraði glæsilegt skallamark. Sá
leikur á alltaf eftir að vera ofanlega í
mínu minni.”
VALSBLAÐIÐ 46