Morgunn - 01.06.1922, Qupperneq 27

MORGUNN
21
þekt lögmál tilverunnar. Reis prófessor Oskar Jæger frá
Kristjaníu þá upp og hélt einkar snjalla andmælaræðu.
Benti hann á, að náttúrufræðingurinn A. R. Wallace hefði
sótt 200 tilraunafundi, áður en hann lét uppi skoðun sina
á dulrænum fyrirbrigðum, en próf. Starcke hefði aldrei
komið á nokkurn tilraunafund! »Þegar sagt var við hinn
mikla þýzka heimspeking Schelling, að kenningar hans
kæmu ekki heim við staðreyndirnar, svaraði hann þvi
einu: Það er verst fyrir staðreyndirnar! Reynslan er sú,
að margir vísindamenn verða að fá loftsteinana í höfuð-
ið, eigi þeir að fást til að trúa þvi, að þeir séu til. En
margir visindamenn hafa og orðið að hverfa aftur frá
þeirri vantrú sinni. Það er ekki sæmilegt að vísa á bug
fyrirbrigðum fyrir þá sök eina, að maður hefir ekki séð
þau sjálfur«, o s. frv. Eg benti próf. Starcke á, að eg
hefði rannsakað fyrirbrigðin stöðuglega um átta ára skeið,
áður en eg hefði sagt nokkuð um málið opinberlega, og
það um 5 ár með öðrum eins miðli og I. Indriðasyni. Eg
væri því þeirrar skoðunar, að eg hefði sýnt meira af
gætni vísindamannsins en hann, er treysti sér til að dæma
um þessi efni, án þess að hafa verið á nokkurum til-
raunafundi á æfi sinni.
Norsk kona, frú Bugge-Berge, dóttir málfræðingsins nafn-
kunna Sophusar Bugge, sagði t'rá undursamlegri reynslu, sem
faðirhennarhafðiorðið fyrir. Fansthonum þaðsemeinskonar
opinberun, en vinir hans héldu fyrst í stað, að hann væri að
missa vitið. Tvær aðrar konur sögðu og frá merkilegri
reynlsu sinni.
Annað erindið flutti deildarstjóri O.J. Selboe frá Kristjaniu:
meðvitundarbrúin milli dagvitundar og undirvitundar.
Var hann á móti því að æfa miðilshæfileikann. Voru ýmsir,
sem andmæltu honum, þeirra á meðal undirritaður.
Á kvöldfundinum flutti S. Jouriéwitch annað erindi
sitt. Var það um ný fyrirbrigði, sem gerst hafa hjá
fjölskyldu hans frá janúar til júlí 1921. Voru þau lík
sumum þeim fyrirbrigðum, er eg sagði frá.