Morgunn - 01.12.1960, Blaðsíða 60
138
MORGUNN
innsýni geta verið sannir ráðgjafar og sálarlæknar. Fáir
eru þeir læknar og fáir eru þeir sálgreinendur, sem munu
segja manni, að synd hans valdi þeirri truflun, sem hann
þjáist af. Og ennþá færri eru þeir, sem segja munu slík-
um manni, að ef hann geti trúað vissum, miklum trúai*-
sannindum, geti hann orðið heill. Hér bíða prestsins mikil
tækifæri. Slíkir prestar verða að gerast brautryðjendur
og þeir munu verða fyrir miklum misskilningi frá öðrum.
En verði þetta verk óunnið, hljóta margir menn að halda
áfram að bera þær þjáningar, sem þeir bera í dag. Hvar
er sá læknir, sem er störfum hlaðinn, að hann hafi tíma,
þolinmæði, andlega innsýn, reynslu, sálfræðilega þekk-
ingu og hæfni, til þess að lina þrautir þeirra, sem sjúkir
eru og þjáðir á sálinni? Ég undanskil dýra sérfræðinga.
Fæstir þeirra hafa nokkra þekkingu á dáleiðslu. Dr. Er-
nest Jones fer ekki með eintómar öfgar, þegar hann seg-
ir í bók sinni, Papers on Psycho-Analysis, að fæstir lækn-
ar hafi varið lengri tíma en fimm mínútum af fimm ára
námi til þess að leggja stund á sálfræði.
Stundum geta kynlífsfreistingar manna orðið svo óhófs-
legar, að miklu meiri ástæða er til að vorkenna fólki þær
en ásaka. Slíkir menn eru andlega óheilbrigðir. Bæði karl-
ar og konur hafa trúað mér fyrir því, að naumast leggist
þeir svo til hvíldar, að ekki komi yfir þau óeðlilegar kyn-
freistingar. Við slíka sjúklinga hef ég reynt dáleiðslu. 1
dásvefni hef ég reynt að koma inn í hug þeirra með sefj-
un þeim hugmyndum, að þeir geti ráðið við þessa hluti,
og sérstaklega hef ég lagt áherzlu á að festa innra með
þeim myndina af hreinleika Krists, og sannfæringu um,
að sú mynd komi þeim óðara til hjálpar, þegar freist-
ingin ræðst á þá.
Lloyd-Tuckey segir frá athyglisverðu dæmi:
Fertugur skólastjóri hafði starfað af mestu prýði,
menntaður og ágætlega hæfur maður. En kynástríða hans
varð honum ofurefli og illa fór. Hann trúði á hjálp dá-
leiðslunnar og ferðaðist til London á fund Lloy-Tuckeys