Morgunn - 01.12.1960, Blaðsíða 6
84
MORGUNN
miðilsfundum dró hann með ótrúlegum hraða upp merki-
legar myndir, er sýndu bæði mikla leikni og hugmynda-
flug. Hann var sannfærður um, að hann væri undir áhrif-
um ójarðneskra afla, meðan hann teiknaði. Líkt var um
franska málarann F. Desmoulins. Við sömu aðstæður mál-
aði hann myndir, sem hann fullyrti að ójarðnesk vera
stýrði hendi hans til að vinna.
Heiian hóp af öðrum mönnum, þýzkum, enskum og
frönskum mætti nefna, sem þannig máluðu, en einn hinn
kunnasti þeirra var málaramiðillinn Heinrieh Niisslein í
Núrnberg.
Myndir hans hafa verið fluttar til sýningar borg úr
borg og vakið mikla athygli. Hann var fæddur í Núrnberg
árið 1879, og var faðir hans lista-gullsmiður. Hann missti
föður sinn 7 ára gamall og ólzt upp með móður sinni við
þröng kjör. Hann lærði prentiðn, en langaði til að læra
að mála. Hann hafði veika sjón, svo að ekki þótti það til-
tækilegt að hann málaði. Þegar hann var 47 ára gamall,
urðu þáttaskil í lífi hans. Þá sagði glæpasérfræðingurinn
og sálarrannsóknamaðurinn Zophy honum frá ósjálfráðri
skrift, sem hann hafði ekkert vitað um áður. Hann tók
til að reyna sjálfur. Eftir nokkrar misheppnaðar tilraun-
ir skrifaði hönd hans nokkur orð og síðar komu fáeinar
andlitmyndir. Þá voru honum í ósjálfráðu skriftinni gefn-
ar leiðbeiningar, sem hann fór eftir. Honum var sagt að
nota fyrst litaða blýanta, síðan olíuliti, honum var kennt
nokkuð um litasamsetningar og fjarvíddarteikningar, —
allt í ósjálfráðri skrift með eigin hendi hans. Þá tók hann
að mála eftir ójarðneskum, ókunnum fyrirmyndum, fagr-
ar verur og djöfla, og með slíkum undrahraða, að á ör-
fáum mínútum málaði hann heildar myndir. 1 byrjun
voru þær fremur viðvaningslegar, en leiknin óx og fyrir-
myndirnar urðu háleitari og fegurri. Á 3—4 mínútum
málaði hann olíumálverk, sem voru 75x100 cm á stærð.
Nússlein málaði aldrei í dásvefni. Hann hélt fullri vit-
und og hélt uppi samræðum við vini sína, meðan hann