19. júní


19. júní - 19.06.1978, Page 43

19. júní - 19.06.1978, Page 43
Jafnréttishreyfing síðasta áratugar hefur ýtt við þessum konum að hugleiða stöðu sína Ritnefnd 19. júní lék hugur á, að fræðast um ýmis atriði, er til greina og úrlausnar koma við slit hjúskapar. Varð að ráði, að leita til SVÖLU THORLACIUS, héraðsdómslögmanns, sem rekið hefur málflutningsskrifstofu í Reykjavík um nokkurt skeið, og leggja fyrir hana nokkrar spurningar. Hver eru helstu skilyrði, sem fullnægja þarf til að fá skilnað. Þarf e-a ástæðu til að fá skilnað? Skilnaður að borði og sæng er veittur í fyrsta lagi, ef hjón eru sammála um að leita skilnaðar að borði og sæng og ber þá að veita þeim leyfi til slíks skilnaðar, enda séu þau á eitt sátt um skipan for- ráða fyrir börnum, um fram- færslueyri með börnum og milli hjóna innbyrðis, og að annað- hvort sé samkomulag um fjár- skipti eða skiptaráðandi hafi tek- ið eigur bús til uppskriftar og skiptameðferðar, þ.e.a.s. að mál- inu hafi verið vísað til skiptarétt- ar. Ef hjón eru ekki sammála um að æskja eftir skilnaði að borði og sæng, á annað hjóna rétt á leyfi til skilnaðar að borði og sæng, ef hitt hjóna hefur sýnt af sér mikla vanrækslu á framfærsluskyldum sínum gagnvart hinu eða börn- unum, sem því er skylt að fram- færa, eða ef jjað brýtur a.ö.l. mjög í bága við skyldur sínar gagnvart þeim. Sama gildir, ef ósamlyndi hjóna er orðið svo magnað, að ekki þykir mega una frekari sam- vistum, enda skal þá veita skiln- að, nema ósamlyndi sé aðallega að kenna leyfisbeiðanda. Unnt er að fá lögskilnað strax án undanfarandi skilnaðar að borði og sæng, ef ákveðnum skil- yrðum er fullnægt. Sú lagagrein, sem mest er notuð til þess að fá lögskilnað strax er 39. greinin í lögunum um stofnun og slit hjú- skapar, en þar segir, að hafi ann- að hjóna orðið bert að hjúskap- arbroti eða atferli, sem jafna megi til þess, þá geti hitt krafist lög- skilnaðar, nema það hafi sjálft lagt samþykki sitt á veknaðinn, eða stutt að framgangi hans. Oft kemur það fyrir, að spurt er um, hvort ekki sé hægt að fá lögskiln- að strax, þegar fólki finnst hjóna- band sitt vera komið í algjöra rúst, t.d. vegna drykkjuskapar eða misþyrminga makans. Því er til að svara, að heimild er til þess í 40. gr. fyrrnefndra laga, þar sem segir, að ef annað hjóna hefur sóst eftir lífi hins, eða orðið uppvíst að misþyrmingum á því eða börn- unum, þá geti hitt krafist lög- skilnaðar, enda hafi það ekki lagt samþykki á verknaðinn eða sjálf- viljugt stutt að framgangi hans. Hins vegar verður að segja það eins og er, að sjaldan eða aldrei mun hafa reynt á þessa grein og myndi sjálfsagt verða nokkuð erfitt í framkvæmd að fá lög- skilnað eftir henni. Dómsmála- ráðuneytið, sem veitir lögskilnað myndi gera mjög strangar kröfur um sannanir, það myndi fara fram á að fá læknisvottorð um misþyrmingar og barsmíð, að málsaðilar yrðu yfirheyrðir og ef viðkomandi aðili neitaði sekt sinni eindregið, væri mjög ólík- legt, að ráðuneytið myndi veita lögskilnað. Auk þess geta hjón fengið lög- skilnað, ef þau hafa ekki verið samvistum um ákveðið árabil. Þá er ástæða til að taka fram, að þó að lögskilnaðarástæðum sé til að dreifa t.d. hjúskaparbroti geta hjón að sjálfsögðu fengið skilnað að borði og sæng, ef þau kjósa það heldur. Skilnaður að borði og sæng/- lögskilnaður — hver er munur- inn? Við skilnað að borði og sæng Svala Thorlacius. 41

x

19. júní

Direct Links

If you want to link to this newspaper/magazine, please use these links:

Link to this newspaper/magazine: 19. júní
https://timarit.is/publication/671

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.