19. júní - 19.06.1980, Qupperneq 26

fjölskylduna og miklu skiptir, að
breytingar og röskun verði börnum
sem átakaminnstar. Aðalatriðið
yrði að sinna starfinu vel, þá gæti
ég með góðri samvisku varið frí-
stundum mínum með dóttur
minni eins og hingað til.“
Hyggst þú sinna ein tveimur
störfum, þ. e. bæði störfum forseta
og forsetafrúar, náir þú kosningu,
eða hyggst þú fá þér ráðgjafa og þá
í hvaða störf?
„Að sjálfsögðu myndi ég hafa
ráðgjafa í þeim störfum, sem þess
krefjast. Eg þyrfti áreiðanlega að fá
hjálp við húshald, en það þyrfti ég
reyndar líka, þótt ég hefði maka
mér við hlið. Veislur mínar myndi
ég skipuleggja sjálf, eins og ég hef
alltaf gert með mikilli ánægju. Ég
er vön mikilli gestakomu og kippi
mér ekki upp við að skipuleggja
mannmörg samkvæmi. Að sjálf-
sögðu myndi ég sinna sjálf að
verulegu leyti þeim störfum, sem
til þessa hafa tilheyrt forsetahjón-
um. Hins vegar er ljóst, að ég
L'llfll! llllil
myndi leita ráða eins víða og kost-
ur væri varðandi ýmis stjórnunar-
mál, sem meiru varða. Það gera
allir.
Sannleikurinn er sá, að ef ég
væri gift væri miklu erfiðara fyrir
mig að fara í þetta framboð. Ég
veit ekki i hvaða starfi sá maður
ætti að vera, sem væri reiðubúinn
að snúa öllum sinum tíma við fyrir
opinber störf og skyldur konu
sinnar. Það væri þá helst ef ég væri
gift bónda, enda fengi hann nóg að
starfa við búsýslu á Bessastöðum!
Það er nú einu sinni þannig í okkar
þjóðfélagi, að konu er frekar ætlað
að taka tillit til starfa maka síns en
öfugt, og ég get leyft mér að fara í
þetta framboð, vegna þess að ég
dreg engan nema sjálfa mig til
ábyrgðar.“
Menn virðast skiptast nokkuð í
tvo hópa hvað snertir skoðun á
embætti forseta. Hvort telur þú
mikilvægara, að forsetinn sé
ákveðinn og ábyrgur stjórnandi
með reynslu í stjórnmálum, sem
getur komið saman ríkisstjórnum,
þegar allt er komið í óefni, eða að
hann sé eins konar andlit þjóðar-
innar, oddviti hennar í þeim mál-
um, sem hún telur mikilvægust
fyrir fslendinga?
„Min skoðun er sú, að þessir
tveir þættir séu jafn mikilvægir.
Til að unnt sé að sinna þeim báð-
um með sóma reynir vitaskuld á
fyrri reynslu, og hvað mig varðar,
tel ég að reynsla mín við stjórnun
hjá Leikfélaginu síðastliðin átta ár,
þar sem oft hefur þurft að leysa úr
vandasömum og viðkvæmum
málum, yrði mér gott veganesti.
Við lausn erfiðra stjórnarmynd-
ana, tel ég líka, að forseta sé fremur
styrkur að því að vera hlutlaus og
óbundinn af stjórnmálaflokkum,
en að sjálfsögðu er honum nauðsyn
að þekkja vel til stjórnmálasögu
landsins. Sú þekking samfara
skilningi á sérkennum og arfleiíð
þjóðarinnar er líka nauðsynleg,
j^egar forseti kemur opinberlega
fram sem fulltrúi landsins, hvort
sem er heima eða erlendis, og Jjessi
j^áttur embættisins er ekki síður
vandasamur.“
En færi svo að forseti þyrfti að
taka áræðnar ákvarðanir í stjórn-
arkreppu, heldur þú að það yrði
erfiðara fyrir konu en karlmann?
„Hamingjan góða, nei! Lítum
bara til margra kvenskörunga á
okkar tímum, t. d. Indiru Gandhi
og Goldu Meir heitinnar, sem ekki
hafa virst í vandræðum með að
taka áræðnar ákvarðanir, bæði
fyrir konur og karla.“
Nú hafa verið gerðar ýmsar til-
raunir til að draga þig í pólitískan
dilk, kom það þér á óvart?
,Já, jjað kom mér satt að segja á
óvart. Eg átti ekki von á því, að fá á
mig pólitískan stimpil, jjar sem ég
hef alltaf látið pólitík í eiginlegum
skilningi afskiptalausa. Fólk er
farið að fara svo frjálslega með
ýmis orð eins og t. d. „kommún-
isti“, að maður veit ekki lengur við
hvað er átt. Er jjað að vera kven-
réttindamaður eða einhver sem er
Framh. á bls. 70.