19. júní - 19.06.1980, Page 54

Jóhanna Bogadóttir er fædd 1944 í Vestmannaeyjum. Hún stundaði
listnám við Listaakademíurnar í Grenoble og París og framhaldsnám í
grafík við Listaháskólann í Stokkhólmi. Jóhanna hefur haldið 11
einkasýningar á íslandi, einkasýningar í Noregi, Svíþjóð og Finnlandi
og tekið þátt í fjölmörgum samsýningum á fslandi og erlendis, þar á
meðal mörgum alþjóðlegum grafíksýningum.
Temma Bell býr á Ránargötunni ásamt eiginmanni, dóttur og tveim
köttum. Hún er fædd 1945 í New York, dóttir listmálaranna Louisu
Matthiasdóttur og Leland Bell. Temma stundaði í fyrstu nám í frönsku
og frönskum bókmenntum við bandarískan háskóla en sneri sér síðan
að listnámi eftir að hafa tekið þátt í sumarnámskeiði í listmálun hjá
föður sínum og lauk hún B.F.A. prófi 1968 frá Háskólanum í Fíladel-
fíu. Temma sýnir verk sín reglulega í New York þar sem hún hefur
efnt til 5 einkasýninga, auk þess sem hún hefur tekið þátt í fjölda
samsýninga.