19. júní - 19.06.2000, Síða 13

og umhyggjustörf. Hver hefur
áhuga á að ráða ótalandi, eitur-
sjúkan smáglæpamann til að
sinna börnum eða sjúklingum?
En í æ ríkari mæli er það mynd-
in sem dregin er upp af körlum.
Og svo eiga þeir að sjálfsögðu
að vera tilfinningalegir rembi-
hnútar.
Strákar standa hallari fæti
Þetta er líka áhyggjuefni vegna
þess að það gerir strákum sem
af einhverjum ástæðum eiga
undir högg að sækja í tilverunni
enn erfiðara fyrir. Islenskar og
erlendar athuganir sýna okkur
að eiginleikar sem áður voru
taldir bundnir karlmönnum eru
nú kynhlutlausir. Eiginleikar sem
bundnir hafa verið konum eru
það enn. Þetta merkir að strák-
ar hafa um margt ekki sömu
möguleika og stelpur.Viðbrögð
þeirra sem af einhverjum
ástæðum standa höllum fæti
(t.d. í jaðarbyggðum eða
afkomendur feðra í mjög hefð-
bundnum karlastörfum) verða
oft á tíðum svipuð viðbrögðum
ungra einstaklinga úr samfélög-
um sem verst hafa verið leikin
af nýlendustefnu, s.s. Grænlend-
ingar og frumbyggjar Nýja Sjá-
lands. Viðbrögðin einkennast af
öfgakenndu afturhvarfi til rit-
úala, útlits og hegðunar sem
talið er hafa einkennt (for)feð-
urna. Snoðinkollar og fótbolta-
bullur eiga margir slíkan bak-
grunn.
Sjálfsagt munum við lengi
enn sitja uppi með að hávaða-
fólk í opinberri „umræðu" telur
flest á fallanda fæti vegna breyt-
inga á stöðu kynjanna. Það er
hins vegar augljóst að langflest-
ir eru mjög sáttir við þær
breytingar sem orðið hafa. Ný
kynslóð spjarar sig ágætlega í
breyttum heimi þó að hinum
eldri finnist að þetta hljóti allt
að vera að fara til andskotans
af því það er ekki eins og það
var
En það þýðir ekki að menn
eigi að láta hvað sem er þegj-
andi yfir sig ganga.Til að mynda
er full ástæða til að andæfa
þegar viðhlæjendur leifa karla-
veldisins „skemmta" landslýð
með fordómafullum skrifum og
myndum af körlum og karl-
mennsku. I mig hringdi um dag-
inn stúlka sem var að fara að
taka þátt í mælskukeppni og
vantaði upplýsingar. Og
umræðuefni kvöldsins var: „Af
hverju eru karlar svona miklir
aumingjar?"
Það gengur treglega að losa
okkur við þá hugsun að allir
karlar séu eins og allar konur
eins, þó svo við vitum á grund-
velli eigin reynslu að líkami
kvenna ræður vel við mikla
menntun og að karlar eru engu
síðri til að veita umönnun og
umhyggju en konur Það virðist
of flókið fyrir þá sem fyrst og
fremst vilja öryggi þess að hafa
fólk í básum. ■
13