19. júní - 19.06.2001, Blaðsíða 29
Unnið að siðareglum hjá ÍSÍ
Kristinn Reimarsson, sviðsstjóri fræðslu- og útbreiðslusviðs fbrótta- og Ólympíusambands íslands,
segist aðspurður um niðurstöður umræddrar könnunar hafa átt von á því að kynferðisleg áreitni
ætti sér stað í íþróttum hér á landi eins og annars staðar. Það sem kom honum þó á óvart var hver-
su hlutfallslega færri konur hefðu svarað því játandi að þær hefðu orðið fyrir tilfinningalegri eða sál-
fræðilegri áreitni á móti því hversu margar hefðu sagt að þær hefðu orðið fyrir líkamlegri áreitni.
Þær Ingibjörg og Hanna hefðu stuðst við sambærilega skilgreiningu á kynferðislegri áreitni og notuð
var í samskonar könnun í Noregi en þar hefði niðurstaðan verið á hinn veginn þ.e. fleiri höfðu orðið
fyrir tilfinningalegri áreitni en líkamlegri. Þegar Kristinn er inntur eftir hugsanlegum skýringum á
þessum ólíku niðurstöðum milli landanna segir hann: „Ein skýring getur verið sú að þátttakendur í
könnuninni hafi litið svo á, þrátt fyrir skilgreininguna, að það t.d. að gera lítið úr kynferði þeirra með
því að segja að „knattspyrna er ekki fyrir konur" sé einfaldlega ekki kynferðisleg áreitni."
Kristinn segir að ÍSÍ hafi verið með ákveðnar siðareglur fyrir þjálfara í
undirbúningi undanfarna mánuði til að koma til móts við einstök atvik
sem upp hefðu komið í tengslum við þjálfara. Til að mynda því að þjál-
fari hefði verið að selja börnum og unglingum fæðubótarefni og sjálfur
hagnast á því í svokallaðri pýramídasölu, og sömuleiðis notkun barna-
og unglingaþjálfara á tóbaki og áfengi f tengslum við íþróttaiðkanir. „Við
höfum þvf verið að vinna að siðareglum fyrir þjálfara óháð umræddri
rannsókn en munum líklega taka niðurstöður hennar inn í þá vinnu,“
segir Kristinn ennfremur þegar hann er spurður að því hvernig ÍSÍ muni
bregðast við niðurstöðum könnunarinnar. Kristinn segir einnig að f þeirri
vinnu verði litið til tillagna Ingibjargar og Hönnu að siðareglum fyrir þjál-
fara. Aðspurður segir hann að engin formleg kvörtun eða upplýsingar
hafi komið inn á borð ÍSÍ um kynferðislega áreitni í fþróttum á þeim
tveimur árum sem hann hafi starfað hjá sambandinu.
Kristinn bendir á að ekki komi fram í rannsókninni hvar hin
kynferðislega áreitni hafi átti sér stað og því sé ekki vitað hvort hún
tengist íþróttaæfingunum sjálfum eða hvort hún tengist ferðalögum,
partíum eða öðrum stöðum sem tengjast félagslegu hlið íþróttastarfsins.
Hann telur þó aðspurður ekki útilokað að þessi þáttur verði rannsakaður
sérstaklega, þ.e. það verði kannað frekar hvar áreitnin eigi sér stað.
„Þessi rannsókn um kynferðislega áreitni var unnin að okkar
frumkvæði, þar sem (þróttaskor Kennaraháskólans hafði leitað til okkar
um hugmyndir að ritgerðarefni fyrir 3. árs nemendur. Við vorum þá
nýbúin að fá til okkar upplýsingar um niðurstöður norsku rannsóknar-
innar og fannst áhugavert að þetta yrði kannað hér á landi. Við munum
því væntanlega fara betur ofan í saumana á þvf hvar áreitnin eigi sér
stað.“ Kristinn tekur þó fram að þegar þetta er skrifað hafi engar
ákvarðanir verið teknar innan ÍSl um hvernig brugðist skuli við
rannsókninni enda hafi hún ekki verið formlega kynnt á vettvangi sam-
bandsins.
2
□
h
h
q:
n
z
h
L
Q
'<
\L
L
tr
C
Q
L
L
2
>